Domënia, 04. otober 2020
SSV Mühlwald - ACD Val Badia: 1 - 0
Plöia, granijores y mazades. Dër na burta partida senza degun jüch
Bele tratan le scaldament à tuti te i sogadus ne bela granijorada, tratant feter döta la burta partida al plovú. Freit y n cîl curí à fat da cornisc al burt spetacl te ciamp. Al é sté na der burta partida caraterisada da der, der tröc fai de jüch. Ince valch de burc. Al é joré tröpes amoniziuns da trames les perts. Ince le publich de ciasa an aldí der tröp cun só scraié posoch. Pró vigni fal subí dai ladins él sté na cornisc de: "aauu", "aauu". Jüch al palê ne él sté begn der
püch da odei.
Domënia, 27. setëmber 2020
ACD Val Badia - FC Gais: 2 - 0
Deventa y trei punc begn meritá. Bela prestaziun dla formaziun de Curti
Dô la prestaziun nia da bravé cun pordöda dla domenia da denant cuntra le Terenten, sa la scuadra indô ciafè pitan na buna partida. La plaza "Pradel" é indô te der de bunes condiziuns y da mete man sa ince le soredl fat odei. La partida é feter tres stada tles mans ladines. Le alenadú Curti à baraté fora cater posiziuns respet al utlima partida.
Domënia, 13. setëmber 2020
ACD Val Badia - ASD Pfalzen: 6 - 1
Segra dl gol cuntra en malcapité Falzes, la Val Badia met sot la jona formaziun pustra
La scuadra dl palê da Falzes baia ince ladin. Le vize alenadú é Heini Chizzali de Canal/Rina, che à soghè tles scuadres dl San Martin de Tor y dl Rina. Acompagnadú y verdalinies é Gotti Irsara de Badia, da na vita cun tröpa pasciun pró chesc sport. La formaziun alenada da Manni Villgrater é valgamia jona y mess se fá l esperienza te chesta categoria. Te n domisdé de bel soredl y cun le ciamp "Pradel" de morveia, na la VB nia adoré dî por se fá süa la partida. Bele dô le pröm temp é le resultat al sigú. Spo lapró cun le capitan "Matti" Stampfer scatené, na i pustri nia albú tröp da mete de cuntra.
Sabda, 05. setëmber 2020
AFC Sexten - ACD Val Badia: 3 - 0
La pröma de campionat né nà nia porté punc
Finalmenter pon indô soghè al palê dô la lungia palsa, che á fat tomé fora döt le rode da d' aiscöda.Dô na buna preparaziun feter sciöche senza, se confortun sön la pröma partida de campionat. La scuadra dl Acd Val Badia é por le cuarto ann tles mans dl alenadù agordin Cristian Curti. I sogadus é ince sö por jó restá i medemi dl ann passé. La "pröma" sön le rî ciamp dl Sest é bele n impegn important y desigú nia tan saurí. Sce begn che la partida é stada pordöda por trei a nia, le resultat é begn en pú alt.
![]() | Besucher heute: | 46 |
![]() | Besucher gestern: | 475 |
![]() | Besucher diese Woche: | 521 |
![]() | Besucher diesen Monat: | 9889 |
![]() | Alle Besucher: | 972464 |
07.08.2020:
ACD Val Badia - USD Rina: 3 - 2
13.08.2020:
ACD Val Badia - US La Val: 4 - 1
20.08.2020:
ACD Val Badia - Juniores Val Badia: 2 - 1