Dumënia, ai 18 de setëmber 2011
Cuntra le Türesc la fotocopia dla partida da denant
Sot de dui goi, buna reaziun, le per merité mo arjome. La scuadra dla Val Badia pita en bel jüch, mo cun chesc ne röiun nia ai punc por möie le tlassament söpert. La scuadra da Türesc gno da dös pordödes indolater cun begn ot goi ciafà, na buna ocajiun por la formaziun ladina da fá punc. Tla defensciun dl Val Badia él indo da odei le pilaster Adami. Tratan döta la partida al plövu valagamia, la plaza á tigní bun.
Tl pröm temp à la scuadra alenada da Massa fat en bel jüch, cina dan aria, chiló vegnel trat massa püch. I dui goi subis te püc menüc à condizioné le jüch portan nervosité. Tla secunda pert dla partida él sté ince les mius ocajiuns, plú determinaziun y la fortüna che mancia por le möment na nia porté á n punt che foss sté der merité. Tröc fans da döta la valada á ciarè pro la interesanta partida paian ince Euro 3,00 de entrada, dilan. Al 34^ menüt vegnel pordü n palê sön la pert ciampa, le atacant Niederwieser salta ite cuntra aria. Sön le piz vegnel fora Vittur cun decijiun che se archirta puch dan le atacant. Chesc cun furbizia salta cuntra la cössa de «Sem» y toma. Por le arbiter él önescmetri senza discusciun. Le önescmetri vegn trata da Manuel Röck bass bel angolé sön la man ciampa de Massa che sâ sciuré sön la man derta. Do da 38^ de jüch toma bele le 2 a 0 por le Türesc. Da na pert ite vegnel trat na puniziun te aria da caranta metri, chiló salta ite mâ le defensur Moling adöm cun Ploner. Le curan röia sön le cinch, sön le arsí le rodel dlungia pé de porta ite. En gol valgamia bun marcé !!! Al 40^ menüt la dopla ocajiun por le gol ladin. Tl cinch dan porta o n defensor trá demez, abina le palê cört che röia a Stampfer che tira te porta öta. N defesur se le ciafa adoss y devieia derevers, al röia a Irsara che é rové ia por tera tl aziun mo è impó bun da devié cuntra porta. Le paradù Psenner lê indo sö y abina la trata debla de «Ando».
Do da 49^ de jüch él Irsara á met sotisura la defensciun pustra, al röia da na pert jö i ite t' aria. En defensur le maza jö ti saltan da na pert ite. Degönes protestes y atira l' önescmetri por la Val Badia. «Matti» Stampfer tira bass y angolé sön la man ciampa dl verdaporta. Do da 58^ menüc vegnel onulé n gol a «Matti». Na bela aziun de un dui porta ala trata ite t' aria da na pert, sön chesta vegnel da dô cá le önesc ladin che antizipeia düc y tira sön le pé lunch. Le palê atoca la pert bassa dl pé de porta y röia te rei por le 2 a 2. Le arbiter anuleia por na posiziun de forajüch, le gran dübe resta che ara ne foss nia stada. Al 66^ menüt á Clara la gran ocajiun por le 2 a 2. N cross dala man ciampa de Pescollderung röia dan döta la porta ia, bel sú «Peuisc» cun pücia decijiun ne devieil nia de cé le saurí curan te porta. Al 85^ de jüch vegn indô dan le limit dl aria mazé jö Irsara da en defensor bele amoní, le arbiter fej le «sconto» dijon che al á ince abiné le palê y le Türesc resta en önesc.
SSV Taufers - ACD Val Badia: 2 - 1
Formaziun ACD Val Badia: 1.Luca Massa, 2.Davide Moling, 3.Julian Bernardi, 4.Simon Dapoz (capitan), 5.Samuel Vittur, 6.Paolo Adami, 7.Elmar Erlacher (dal 85^ Isaac Frenademetz), 8.Andrea Irsara, 9.Manuel Clara (dal 68^ Matthias Thaler), 10.Armin Erlacher, 11.Matthias Stampfer (dal 60^ Manuel Pescollderung).
Gol por la Val Badia: 49^ Matthias Stampfer sön önescmetri.
Alenadù: Luca Massa.
Proscima partida: en domenia, ai 25 de setember 2011, dales 15.30 sön la plaza «Pradel» a San Martin de Tor cuntra le ASV Kiens.
3. Amateurliga 2023/2024