A.C.D. VAL BADIA - A.C.D. VAL BADIA - der Fußball im Gadertal

Bel ti ultimi agn êl valgügn sugadûs y dirigenti dles varies scuadres tla Val Badia che mostrâ en certo interesse por mët adöm na scuadra dla Val Badia cun i mius sugadûs y de podëi sughé en bel dé te categories plü altes. Intratan le iadè y la amichevole cuntra i rumantsch ia Trun (Sursëlva) êl tröc sugadûs dles varies scuadres dla Val Badia che mostrâ interesse por na scuadra dla Val Badia, ulach ai podess sughé adöm.
Por che al restes nia mà discorsi vani, el stè le presidënt tl US San Martin, Giorgio Costabiei, che à cherdè itè ai prüms te jügn tl 2010 i presidënc y responsabili dles prümes scuadres tla Val Badia. Al é stè le prüm iade che i rapresentanc dles 5 uniuns se à sentè adöm por baié dl futuro dl calcio tla Val Badia y l’interesse dles varies sozietes por se mët adöm. Do che vigni sozietè á portè inant la süa opiniun, el stè naota la sozieté dl US San Martin y chëra dl US Alta Badia che à mostrè le plü gran interesse. Do atres sentades danter i dirigenti dles dös sozietes esun gnüs a öna da se mët adöm, da crëie na nöia sozieté y da porvè chësta nöia esperiënza. Por le inom A.C.D. Val Badia el ince gnü damanè les atres 3 sozietes dla Val Badia, che ê a öna. Tl dagnì el sigü ince les atres sozietes che po fa pert dl A.C.D. Val Badia, sënza messëi renunzié a la süa scuadra.

La fondaziun dl A.C.D. Val Badia é gnüda fata l 30 de jugn 2010 a San Martin tl local dl US San Martin in presënza di dirigenti dl US San Martin y dl US Alta Badia.

Cul scumenciamënt dl campionat de 3a. categoria 2010/2011, mët inće man la storia tl A.C.D. Val Badia.

Le logo tl A.C.D. Val Badia é gnü crëie dal nosc sugadù Michael Moling.