Dumënia, ai 16 de mà 2011
Impede la festa por la promoziun, á Lijun fat la festa ala Val Badia
Tla vintejima partida de campionat él rové la secunda pordöda por la scuadra dla Val Badia. Cun na deventa cuntra le Lijun foss stada la festa por la promoziun programada. Mo ara ne á nia orü ester, la scuadra de ciasa sa merité la deventa y á fat ne bela figöra cuntra i pröms dla Val Badia. Che magari é massa sigüsc dl suzes. La plaza tröp mola á en pü condizioné le jüch technich, la formaziun ladina á fat le jüch incina dan la gran aria.
Chiló é le mür defensif dl Lijun bun posizioné y senza á fat buna verdia á süa porta le portier Kaser. Ara ne jô ne á ries ne á bunes da signè. Ince le arbiter Oberhauser á te n pêr de situaziuns fat posé n pü sura, suradöt canche al á desgort al 79^ menüt Trebo por avei dit "mane" por talian nia cuntra le diretur. De te parores n él gnüt dit tantes che al es messú scuré fora tröc sogadus. Deplü iadi al ince baié fora al publich en gran pert ladin, cosa che an veiga da inré da pert de n arbiter. Ai á pö bel tröp da fá te ciamp spopa ascuté sö i fans !!! La pordöda adöm cun la deventa dl San Laorenz cuntra La Val fej resté a cater i punc de vantaje sön i pustri, porchel é la partida cuntra le sterch Wiesen de gran importanza. La formaziun de Massa messará pité na buna prestaziun cun sü mesi y ince speré n pü tla fortüna.
Al 6^ menüt röia t'aria a na rodada te porta le gran önesc Plaseller, Massa blocheia ia por tera. Do da 9^ de jüch segna l Lijun. Al vegn trat n' ciantun cuntra la gran aria, dan le piz tira al jore cuntra porta le diesc S.Kaser le palê splundra bass te porta sön le secundo pé a man derta de "Luca". Al 11^ menüt vegn tigní y fat tomé apena t'aria Elmar Erlacher dal trei, döt regolar ?
Do da 35^ de jüch él la gran poscibilité por le 1 a 1. "Elmar" fej ite n bel cross da jö dapé dl ciamp, Pescollderung fej spona por M.Clara che röia sú dan le un dl Lijun. Süa trata é dlungia porta fora. Trei menüc dedo él indo "Elmar" che passa t' aria a Clara che superé só defensur tira de pröma te porta. Le palê passa sot les iames dl portir fora, mo chesc cun n secundo intervent apina ciamò le curan dan la ligna de porta. Gol mangié, gol ciafè é le dit.
Al 44^ menüt segna le sis J.Hinteregger le 2 a 0. Al ciafa na passada püch dan le limit y al jore tirel te porta na gran trata che röia sot l' incrujada di legns de porta a man derta de Massa, n gran bel gol. Al 64^ menüt él n contrast dübe sön Armin Erlacher t' aria lascé jí. Do da 68^ de jüch crosseia t' aria Pescollderung por le feter sú Thaler che devieia al jore sura porta fora. Al 90^ menüt da n ciantun devieia da buna posiziun de ce Thaler sura porta fora. Le gol ne ó nia gní. Le Lijun se defen scialdi, vei á pö fat dui de bí goi. Le resultat ne chambia nia plü, tl ari él n pü de delujiun.
SV Lüsen - ACD Val Badia: 2 - 0
Formaziun dla Val Badia: 1.Luca Massa, 2.Davide Moling, 3.Stefan Felder (dal 72^ Florian Barbolini), 4.Simon Dapoz (capitan) (dal 75^ Giuvani Trebo), 5.Samuel Vittur, 6.Julian Bernardi, 7.Elmar Erlacher (dal 55^ Matthias Thaler), 8.Matthias Stampfer (dal 46^ Oskar Clara), 9.Manuel Clara (dal 58^ Roland Alfreider), 10.Armin Erlacher, 11.Manuel Pescollderung.
Alenadù: Luca Massa.
Proscima partida: en domenia, ai 22 de mà 2011 dales 16.00 sön la plaza da La Ila cuntra le ASV Wiesen.
3. Amateurliga 2023/2024