Dumënia, ai 09 de mà 2011
La Val Badia a plü set dai secundi, cun n pé te 2a. categoria
Davagnè le derby da püces ocajiuns y emoziuns cuntra La Val cun n gol de Manuel Clara
Na bela gran cornisc de publich tun domisdé bel cialdin á fat da cornisc al derby sön le ´ciamp da La Ila danter la Val Badia y La Val. N derby che á pite püces ocajiuns da gol y nia de gran emoziuns tl jüch. La Val Badia gnô dala importanta deventa cun bel jüch y tröpes ocajiuns da gol cuntra le San Laorenz.
Mo ti "derby" süghel ince la nervosité der tröp y le sintí la partida. Chesc porta spo á condizioné le bel jüch. La partida é stada bun arbitrada, cun dui amonis por pert. Chesta deventa porta adöm cun la pordöda dl San Laorenz la scuadra dla Val Badia en bel vare cuntra la 2a. categoria. La Val á ciamò la gran ocajiun dla "Copa Provinzia" che po la porté te finala, döt le bun.
Al 7^ menüt se delibreia Florian Rubatscher de só marcadú i tira te porta da plü de vint metri, le un dla Val Badia robat cun i pügns. Al 17^ de jüch él na bela aziun dla formaziun de Massa, Clara passa te aria al compagn d'atach Pescollderung che sú podess trá te porta. Cun n gran recuper antizipeia Ploner le atacant tiran sura süa porta fora. Dal 21^ menüt inant süga por feter diesc menüc la Val Badia, en diesc. Le arbiter Ricci ne nia á öna sciöche "Diui" Moling sa curí le "Piersing" y ti le fej tó demez. Döta chesta aziun ne nia saurida y le sterch defensur resta á ciarè pro.
Do da 30^ de jüch, él n ciantun trata bel da Stampfer al zenter dl aria da La Val, Pescollderung devieia de ce der bel ma en pü massa alt sura porta fora. Al 39^ tira Michi Frenes na puniziun dan le limit dl aria do le pice mur defensif ite te porta. Massa devieia fora de porta cun les mans, le palê röia al diesc da La Val che tira te porta. "Luca" blocheia ia por tera dan porta. Al 45^ de jüch röia le gol por la Val Badia, do na bela aziun röia cuntra aria Stampfer che passa a mez a Manuel Clara. Chesc fej na bela finta sön Ploner y cun na rodada tirel te porta, le curan röia dlungia pe de porta ite sön la man derta de Vallazza.
Al 57^ menüt röia sú t'aria le chinesc Elzenbaumer, mo al se arlungeia n' pü demassa le curan y la deviaziun cuntra porta é debla y sauri da abiné por le espert Massa. Al 69^ do en contrast davagné tira Pescollderung te porta, le portier Vallazza blocheia alt la trata. Do da 84^ de jüch röia n palê al bel sú Trebo da na pert t'aria, al atoca ma la pert de fora dla rei de porta.
ACD Val Badia - US La Val: 1 - 0
Formaziun da La Val: 1.Merch Vallazza, 2.Werner Sottara (dal 73^ Thomas Tavella), 3.Alex Alton (cap)., 4.Werner Ploner, 5.Marco Castlunger, 6.Michi Frenes, 7.Freddy Sottara (dal 81^ Romeno Rubatscher), 8.Stefan Sottara, 9.Daniel Frenes, 10.Florian Rubatscher, 11.Franzi Verginer (dal 46^ Alex Elzenbaumer).
Alenadù: Marco Scalzini.
Formaziun dla Val Badia: 1.Luca Massa, 2.Davide Moling, 3.Julian Bernardi, 4.Simon Dapoz (cap.), 5.Samuel Vittur, 6.Paolo Adami, 7.Elmar Erlacher, 8.Matthias Stampfer (dal 62^ Matthias Thaler), 9.Manuel Clara (dal 65^ Giuvani Trebo), 10.Armin Erlacher (dal 75^ Roland Alfreider), 11.Manuel Pescollderung.
Alenadù: Luca Massa.
Gol por l´ ACD Val Badia: 45^ Manuel Clara
Proscimes partides: en domenia, ai 15 de mà 2011 dales 16.00 süga La Val te ciasa cuntra le San Laorenz y la Val Badia fora de ciasa sön la plaza da Lijun cuntra le Lijun.
3. Amateurliga 2023/2024