Dumënia, ai 19 de setëmber 2010
Partida döra cun dui desgorć y trei önescmetri falà
Partida der combatöda y döra chera davagnada cuntra le Mühlwald, chisc à suradöt te ćiasa bel da agn te süa carateristica le jüch dür.
Na deventa importanta sön na plaza rîa, cun dui aversars iüstamenter desgorc, dui önescmetri falà dai ladins y lapró tröpes d'atres bunes ocajiuns nia sfrutades. Cun chesta secunda deventa esun terzi adöm cun le Raas te tlassament, por le mete man dla jona Val Badia en bun vare.
Al 9^ menüt tira Pescollderung na bela puniziun te porta, le portier la robat indo cuntra de vel che fala la deviaziun te porta. Al 15^ de jüch ciafa la scuadra ladina n önescmetri por n fal sön n atacant. Matthias Stampfer atoca ma le pè de porta. Trei menüc plü tert ciafa ince le Mühlwald n önescmetri sön n contrast danter Devis Vittur y n atacant. Le fal foss stè dl atacant, la trata vegn parada dal portier y alenadù dla Val Badia Luca Massa. Do da 27^ menüc vegnel fat n bur fal dan le limit sön Clara, secunda amoniziun por le defensur Obergasteiger che vegn desgort. La bela puniziun de Armin Erlacher porta al gol dl 0 a 1. Tla secunda pert dl pröm temp ne él plü degönes ocajuns da gol, mo tröc fai da trames les perts.
Al 52^ indo n bur fal sön Manuel Clara y amoniziun al chinesc Forer. "Clara" mess lascè le ćiamp y vijitè le pröm aiüt dl ospedal da Bornech. Por fortüna nia de gravus. Segn à la formaziun ladina deplü ocajiuns por le secundo gol. Al 71^ de jüch fej le dui Eppacher n grou fal sön Pescollderung, impú protestel cuntra le arbiter che le desgorsc. I pustri é segn ma plü n nü. Indo arjömun deplü de gran ocajiuns por le secundo gol. Al 85^ menüt röia finalmenter le 0 a 2, na bela śogada de Armin Erlacher por Alex Stampfer. Chesc met bel amez t'aria olache al röia ala trata Roland Alfreider. Do da 87^ de jüch peia ia da mesaciamp sö Armin Erlacher cuntra porta, al röia incina t'aria dl Mühlwald olache al vegn mazè sotisura. Indo n önescmetri, in chesc iade é la trata tl pé de Pescollderung. La trata vegn parada dal portier Mittermair. Al 92^ menüt él ciamo na buna ocajiun por le 0 a 3 da pert de Alex Stampfer. Ara no nia ester da davagné cun tröc goi.
Mühlwald - Val Badia: 0 - 2
Formaziun Val Badia: 1.Luca Massa, 2.Davide Moling II (dal 77^ Florian Barbolini), 3.Devis Vittur, 4.Simon Dapoz (capitan), 5.Samuel Vittur, 6.Paolo Adami, 7.Elmar Erlacher (dal 70^ Alex Stampfer), 8.Matthias Stampfer (dal 46^ Andrea Irsara), 9.Manuel Clara (dal 52^ Roland Alfreider), 10.Armin Erlacher, 11.Manuel Pescollderung (dal 91^ Andreas Chizzali).
Alenadù: Luca Massa
Goi por la Val Badia: 27^ Armin Erlacher, 85^ Roland Alfreider
Proscima partida: n doman domenia, ai 26 de setember 2010 dales 15.30 sön la plaza "Pradel" a San Martin cuntra le Franzesfeste.
3. Amateurliga 2023/2024