A.C.D. VAL BADIA - A.C.D. VAL BADIA - der Fußball im Gadertal

I ghesc é ince restà ma en nü tl ultima pert dla partida. La pücia precijiun di atacanc ladins y deplú de gran parades dl portier Schölzhorn à tignì le numer di goi bass sön le cater. Bele do da 7^ menüc él na passada t'aria dl capitan Dapoz por Matthias Stamdfer che tira bel te porta. La trata püch sot l'incrujada dl legns de porta vegn deviada cun n' bel intervent dl un dl Gossensass sura porta fora. L'unica ocajiun da śignè de döta la partida por i ghesc é chera al 13^ de jüch. Na puniziun vegn trata t'aria y deviada cuntra porta dal gran defensur Martin Keim de ce. Ara atoca la pert alta dla stangia de porta. Al 16^ y 18^ menüt á Matthias Stampfer dös de bunes ocajiuns por ti dé le vantaje á süa scuadra. Do da 26^ menüc vegnel fat n' fal dan la gran aria sön la man derta sön Manuel Pescollderung. Le medemo tira na gran puniziun che röia sot l'incrujada di legns de porta por en gran bel gol.

Do na bela aziun d'atach al 40^ menüt röia t'aria le set Stampfer y vegn sciré sot y sura dal cinch M. Keim. Le sigü arbiter cunzed atira n'önescmetri. "Matthias" le tira sigü cun na trata bassa sön la man derta dl verdaporta por le 2 a 0. Al 51^ de jüch röia le scatenè set Stampfer dan le portir dl Gossesass tiran te porta, cun le pè robat chesc la trata da daimprò. Do da 59^ menüc resta le Gossensass n'diesc por le desgorta dl defensur Sommacal por dopla amoniziun.

Cin menüc dedo veiga ince le catordesc Egartner chöce do n'fal sön Pescollderung, dopla amoniziun te ma trei menüc. Al 65^ de jüch atoca Elmar Erlacher la pert alta dl pé de porta do na rebatöda dala stangia de porta sön na deviaziun de n defensur. Cater menüc plu tert toma le 3 a 0, da Clara ciafa Pescollderung le palê t'aria y cun na secia trata a messa alteza segnel indo n' bel gol. Do da 75^ menüc toma le 4 a 0, na passada lungia de Dapoz danter la defensciun dl Gossensass röia al atacant Clara che röia ala trata por le gol. Al 78^ de jüch él na trata de Armin Erlacher bel sú dan le portier che röia de püch lungia le pé bass fora.

Cun la prestaziun pon ester dër cuntenc, la formaziun chresc adöm y bele dala proscima partida sön le rî ciamp da Mühlwald odaran cuntra i mius aversars la cualité dla scuadra Val Badia.

 

 

Formaziun A.C.D. Val Badia:  1.Luca Massa, 2.Davide Moling II, 3.Devis Vittur, 4.Simon Dapoz (capitan), 5.Samuel Vittur, 6.Andreas Chizzali, 7.Matthias Stampfer (dal 74^ Roland Alfreider), 8.Alex Stampfer (dal 62^ Elmar Erlacher), 9.Manuel Clara (dal 82^ Christian Alfreider), 10.Armin Erlacher, 11.Manuel Pescollderung.

Alenadù:  Luca Massa.
 
Goi por la Val Badia:  26^ y  69^  Manuel Pescollderung,  40^ Matthias Stampfer (sön önescmetri), 75^ Manuel Clara.