SV Terenten - ACD Val Badia

Domënia, 06. setëmber 2026

3 punc cun 3 goi.

Chësta domënia ai 06/09/2026 sön l'ciamp dl sport da Terenten cul cil bel sarëgn el sté por l'ACD Val Badia na partida de sodisfaziun, cun 3 goi y tröpes ocajiuns.

La scuadra de ciasa á podü dô püc menüc trá la pröma puniziun sön porta, che por fortüna di ghesc é jüda dlungia ia. Püc menüc dedô al 12' él Unterweger che ó jí dé ce sön n cross de Valentini, le portier ó le anticipé, mo al abina le numer 2 dla Val Badia che toma ia por tera, cun n gran spavënt dl publich. L’diretur de gara sciüra l'önescmeter y tira fora de gofa la ghela por le portier Lanthaler.
Unterweger resta npü de tëmp ia por tera por le dolur a la sciabla, mo por fortüna é l´sogadu dl ACD sté bun da soghé inant. Le numer 10 dla Val Badia vá cun gran sigurté a trà le önescmeter, mo baldi él le portier de Terenten che ne se lascia nia influenzé y astoma la pert olach Valentini tira la cogora. Dô chësta aziun ciafa le Terenten coraje y pro insciö da se portè in vantaje, cun n colp de ce che va püch dlungia porta ia. Al 17' menüt toma le pröm gol por la Val Badia, le terzino ciamp Alex Miribung tira da fora dl'area en bel tiro sot al'incrujiada di pali, dal döt nia aspetè dal portier y suradöt nia da i compagns. La scuadra ladina anunziëi chësc momënt y dô 2' menüc él Valentini che ciafa le palê t'area, driblëia l'aversar y tira la cogora tl 7 por le 2 a 0. Dui goi veramënter spetacolars. La partita mët sëgn man da gní cialda y nia ma por les temperatöres da d'istè, i aversars mët man da jí ite dürs ti contrasc´ y chësc porta a en nervosism da trames les perts. Le pröm tëmp se röia cun de piceres ocajiuns da trames les squadres, mo che ne é nia prigoroses.

Tl secundo tëmp él la Val Badia che mët man bun cun Pizzinini, che abina na buna posiziun da trá, mo le portier é asvelt y fej na bela parada. Al 55' él Falk che porta la scuadra de ciasa a na bona ocajiun, süa trata è bela y sterscia, mo le palê vá sura porta fora.
Püc menüc dedô él indô Terenten che fej tramurè i sogadus ladins, le sogadù Eder Julian, che è gnü ite tl secundo tëmp abina en bel palê te area, süa trata n è nia dër sterscia y insciö é l’capitan Ferdigg bun da parè saurí. I sogadus dla Val Badia capësc sëgn che ai mëss reagì sce ai ne ó nia sofrì y chësc porta a dös bones ocajiuns te püc menüc. La pröma ocajiun è de Pizzinini, che ciafa en bel palê da S.Clara, indere l'atacant da La Ila vá cun pücia convinziun sön l´palé y n'è insciö nia bun da la sciurè tla rëi.
La secunda ocajiun é de F.Clara, che anunziëia n momënt de confujiun te area por porvè da segnè le 3 a 0, mo baldi vëgn ince chësta abinada da Lanthaler. Al 30´menüt dl secundo tëmp capitëiel al Terenten la plü gran ocajiun dla Partita, Falk tira cun gran potënza la cogora cuntra la porta de Ferdigg, chesta röia sön la lata. Al 35' él Unterweger dla Val Badia che abina la pala cun la man te area, la scuadra y l'publich aversar scraia dassënn por le önescmetri, mo le arbiter á n atra minunga y lascia ji inant le jüch.
En per de menüc dedô suzedel finalmënter cich düc á tan speré, l’ACD Val Badia é buna da segné le terzo gol dla partita. Tagliafierro fej n bel passaje a Valentini che röia sù cuntra le numer 1 da Terenten y sëgna le 3 a 0 y só secundo gol personal dla partida. I aversars mët man da se rasegnè y conzed ciamò na buna ocajiun a S.Clara, che röia ince sú cuntra porta, mo ne é nia bun da ti dé la dërta direziun a la cogora y insciö vara püch dlungia le palo ia. Chësta é l'ultima ocajiun di ladins, deach püc menüc plü tert vëgnel sciuré la fin dla partita.
La buna prestaziun di ladins, te na partida tan combatüda fej speré i sostenidus a en bun andamënt te campionat. I sperun che la prestaziun vëgnes portada inant ince tles proscimes partides.

SV Terenten - ACD Val Badia: 0 - 3

Formaziun ACD Val Badia:1.Rene Ferdigg (capitan), 2.Joel Unterweger, 3.Alex Miribung, 4.Max Videsott, 5.Simon Graffonara (dal 75' Michele Tagliafierro), 6. Simone Dallapiazza, 7.Emanuele Sintoni, 8.Fabian Clara, 9.David Pizzinini (dal 81' Jan Paul Promberger), 10.Luca Valentini, 11.Simon Clara (dal 90' Lukas Pramstaller).

Goi por l ACD Val Badia: 17' Alex Miribung, 19' Luca Valentini, 86' Luca Valentini.

Alenadus: Albert Castlunger y Patrick "Cobra" Costabiei.

Proscima partida: en domenia ai 13 de setember 2026 da les 15:30 sön la plaza "Pradel" de San Martin de Tor cuntra le Rasen.