ASV Dietenheim Aufhofen - ACD Val Badia

Domënia, 31. mà 2026

L’ultima partida de campionat.

L’ultima partida de campionat é gnüda sogada fora de ciasa a Dietenheim te n gran cialt. I ladins mët man dër bun, mo ala fin él i aversars che á desmostre de ester damí.

La partida mët man dër bun por la Val Badia: dó da 6 menüc él Emanuele Sintoni che mët le pale bass te area por Pizzinini David che é bel su y tira te porta por le 0 a 1. Ince dô l gol é i ladins bugn da ester prigorusc te atach cun valgönes ocajiuns, mo al mancia tres l’ultim passaje por rové te porta. Dô da 23 menüc él n cross di padruns de ciasa che röva tl’area ladina, Ferdigg vëgn fora y apëia le pale, mo al salta adöm cun n aversar cun le ce. I dui sogadus resta ia por tera, mo dô na gran spordüda esi trami bugn da soghé inant. Püch dedô röva ince Simon Clara te n burt contrast cun n aversar, olache le sogadú da Dietenheim mëss gní sostituí. Insciö se röva l pröm tëmp, cun la Val Badia en vantaje de un n gol.
Tl secundo tëmp é i padruns de ciasa che prô da fá presciun y da chirí l gol dl per: al 50ejim menüt ti vëgnel anulé n gol por n fal sön le 1 ladin. Do 65 menüc é spó le Dietenheim che é bun da ciafé l gol dl 1 a 1. L’aversar se oj dër bun te area ladina y tira söl secundo pe de porta, le 1 Rene Ferdigg ne á degöna poscibilité de abine le pale. Incër la fin dla partida é spo i terzi te tlassamënt da Dietenheim che lascia udëi süa cualité, ince cun les sostituziuns fates tl secundo tëmp. I ladins prô te vigni manira da se paré, emo 2 menüc dan la fin dla partida se ciafi ciamó le gol dl 2 a 1. Sön n cross alt él n aversar che ciafa le pale y lascia pié ia na trata dër potënta te porta. Ince chiló ne á Ferdigg degöna poscibilité de abiné la cogora. Insciö se röva l’ultima partida de campionat cun na pordüda, mo an pó inpó ester cuntënc dl campionat dl’aisciöda olache an á mâ pordü cuntra les prömes 4 scuadres te tlassamënt, y fat n bun resultat cuntra dötes les atres. I ladins röva insciö le campionat al setim post te campionat cun 28 punc. Al é gnü fat n vare inant a confrunt di ultimi agn, mo chësc é pormó le mëte man de n bun dagní de chësta scuadra.

ASV Dietenheim Aufhofen - ACD Val Badia: 2 - 1

Formaziun VB: 1. Rene Ferdigg, 2. Joel Unterweger, 3. Alex Miribung, 4. Max Videsott, 5. Simon Graffonara (dal 77’ Luca Bernardi), 6. Sintoni Emanuele, 7. Clara Simon (dal 72’ Marc Mayr), 8. Fabian Clara, 9. Simone Dalla Piazza (dal 90’ Tobias Fistill), 10. David Pizzinini (dal 65’ Lukas Pramstaller), 11. Lois Costner (dal 85’ Alexander Ploner).