ACD Val Badia - US Feldthurns B

Domënia, 24. mà 2026

Stlüt jó bun la sajun cun l' ultima partida te ciasa davagnada. Segn an arjunt le sesto post te tlassamnet.

Feter döta la partida é stada sogada sot n gran, gran cialt. Al é ince gnú fat te n trami i tempc les palses por podei bere. Tl pröm temp sá en pú stenté la Val Badia cuntra i pen ultims te tlassament. Jon ince de n gol sot. Mó la reaziun é stada buna suradöt tl secundo temp, rodan le resultat sön la pert dla Val Badia. Cun aziuns corales d' atach che á porté ai goi y metú i ghesc en dificulté. Ala fin él sté na bela deventa, che à porté só al sesto post te tlassament.

Al 8' menüt röia Valentini cuntra porta mó le portier vegn fora i abina le palé püch dan le limit. Fora dun bel nia röia al 17' de jüch le vantaje dl Feldthurms. Le nú Torggler lascia pié na trata t' aria bassa sön le piz plú da lunc de Ferdigg che porta al gol. Al 33ejim röia Valentini sú cuntra le un Blasbichler che ti robat süa trata cuntra porta. Dô da 43' menüc se ciafa S. Clara la ghela por simulaziun dan aria di ghesc dô ester gnú metú jô. Al 49' vegn fora Ferdigg sön na trata crossada à öt, mó Miribung devieie te ciantun. Dô da 55' de jüch ne sé chapesc nia le portier y le defensur dal numer cinch, Valentini abina le curan mó le tira sön la rei de fora dla porta. Al 68ejin röia le 1 a 1, Sintoni passa n bel palé à "Didi" Pizzinini che lascia píé ia na trata bassa cuntra le secundo pé de porta. Sön chera che le un ne pó fá nia. Dui menüc dedô röia Valentini sú cuntra le verdaporta che ti robat der bun süa trata. Al 74ejim tira F. Clara te porta, en defensur robat te ciantun. Sön la trata da ciantun devieie Videsott te porta y le un para. Al 86' de jüch vegn da na pert jó Verginer che salta i defensurs y crossei te aria. Sön le curan röia asvelt plú de düc "Didi" Pizzinini che da püch dan porta devieiel à mesa ite por le 2 a 1. Sambegn gran ligreza por la VB por le vantaje püch dan le fin dla partida. Al 91ejim tira Valentini demez le palé à jüch chit y se ciafa la secunda cherta ghela. Al vegn desgort, chesta é ince la pröma "desgorta" de chesc campionat por la VB. Ala fin la deventa fêj düc contenc y la sei pó ince gní destudada dô che gran cialt.

ACD Val Badia - US Feldthurns B: 2 - 1

Formaziun ACD Val Badia: 1.Rene Ferdigg (capitan), 2.Joel Unterweger, 3.Alex Miribung, 4.Max Videsott, 5.Simon Graffonara, 6.Simone Dallapiazza, 7.Emanuele Sintoni (dal 82' Thomas Verginer), 8.Fabian Clara, 9.Marc Mayr (dal 65' David Pizzinini), 10.Luca Valentini, 11.Simon Clara (dal 65' Lois Costner).

Alenadus: Albert Castlunger y Patrick Costabiei.

Goi por la Val Badia: 68' y 86' David Pizzinini.

Proscima partida: en domenia ai 31 de má 2026 da les 15:30 sön la plaza da Dietenheim cuntra le Dietenheim/Aufhofen.