ASC Rasen - ACD Val Badia

Sabda, 25. aurì 2026

En der bun punt fora de ciasa cuntra en sterch aversâr. Che à fat punc te dötes les partides da d' ainscöda.

Ché la partida sará stada rîa à bele pordiché i alenadus dan partida. Lapró falale por deplú gaujes tröc sogadus. À defene la porta dla VB é por chesta partida Frenademetz. La formaziun dl Rasun à en der bun moment, ara á davagné cater partides y na rové öna sön le pêr. Ara é cuarta tl tlassament. Le domisdé é valgamia cialt y la plaza é té der stletes condiziuns. Da büsc y al fala da na pert l' erba. La gauja é che al é sté sön le ciamp la basa tl zenter dl socurs por les Olimpiadi. Ala fin sá la VB merité chesc punt, combaton sön vigni palé y arjunjon ince deplú de bele ocajiuns da gol.

Al 20' menüt tira Graffonara na puniziun t' aria cuntra Valentini, le portier robat y dedô tira le medemo alt. Le curan arsesc sön la rei dô porta. Mâ n menüt dedô él bel la medema puniziun da pert dl cinch ladin. En chesc iade tira le diesc dl VB al jore mó al né atoca nia la porta. Dô da 23 de jüch tira le Rasun na puniziun te porta da fora dla gran aria. Le un ladin devieia cun i pügns te cíantun. La trata da ciantun para Frenademetz te dui iadi dan porta. Al 27' menüt röia jön söm ciamp Valentini che vegn fat tome dal trei Zingerle, al podess ester na puniziun interessanta, mó le arbiter né scüra nia. Dô da 36' de jüch sciampa le ot Gasperini sú cuntra porta y tira. Le verdaporta dla VB robat süa trata. Le atacant parô te na posizun de fora dl jüch, nia scurada. Al 63ejimo él na trata da dalunc te porta de Ferdick che vegn deviada dan pé dert te ciantun da Frenademetz. Dô da 66' menüc röia Sintoni dan porta al trata, le un Hochgruber robat cun na gran parada la pröma trata. Três "Lele" prô en secundo iade la trata, en chesc iade robat le un cun i pügns. Al 68' de jüch él na puniziun cuntra porta da na pert ite. Chesta robat sön le pé bass y dedô él na secunda trata che röia sura porta fora. Al 77' menüt salta Valentini en defensur i röia sú t' aria da na pert ite, sciode che sura trata é sura porta fora. Dô da 85' de jüch tira le cater Pallhuber na punizun alta te porta, le portier ladin robat de pügn. Sön la fin dla partida vegn i pustri ince plú groi y sé ciafa deplú amoniziuns. Al 88ejim vegn descgort por dopla amoniziun le vintecater A. Brunner dal bun arbiter Sulejmani. En sció se röia la "combatöda" partida cun en bun pêr che fêj plú ligreza ala scuadra de Castlunger y Costabiei che à chí dl Rasun. Complimenc à düc.

ASC Rasen - ACD Val Badia: 0 - 0

Formaziun ACD Val Badia: 1.Denis Frenademetz, 2.Matteo Ploner, 3.Thomas Verginer, 4.Max Videsott, 5.Simon Graffonara, 6.Simone Dallapiazza (capitan), 7.Emanuele Sintoni, 8.Fabian Clara, 9.Lukas Pramstaller (dal 59' Marc Mayr), 10.Luca Valentini, 11.Lois Costner (dal 83' David Pizzinini).

Alenadus: Albert Castlunger y Patrick "Cobra" Costabiei.

Proscima partida: en doman sabeda ai 2 de má 2026 da les 15:30 sön la plaza "Pradel" a San Martin de Tor cuntra le Latzfons "B".