ASD Predoi - ACD Val Badia

Sabda, 11. aurì 2026

En dô en iade la buna saú dla deventa. Der na buna prestaziun y an à ince fat n vare só pert tl tlassamnet.

Te n bel cíalt da d' aiscöda an soghè. Bele tl "scaldament" se anse ciafè na sprigorada, le portier Ferdigg sá inchucé dui deic.

Bele al 1' menüt ciafa le Prettau na punizun, S. Clara sübesc n fâl dan aria ladina, mó le arbiter cunzed la puniziun ai pustri....La trata dl diesc P. Hofer te porta vegn rebatöda dal un ladin. Dô da 4' de jüch röia Mayr t' aria passan à Sintoni "Lelle" devieie bel te porta por le 0 a 1. Al 10' menüt tira Valentini te porta, le un robat, S. Clara abina le palé y tira dan porta chá. Degügn né röia nia ala deviaziun. Dô da sedesc de jüch él na trata lungia che röia sura la defesciun pustra fora, Valentini lá abina y salta sú cuntra porta. Mó al tira fora. Al 28' menüt sé roda te aria y tira Mayr, cun gran fortüna se ciafa le un Gruber le curan adoss devian te ciantun. Dô da 29' de jüch mess Miribung gní sostituí, al sá fat mé an pé. Al 45ejim salta adöm sön na posiziun de fora dl jüch le capitan dl ACD y le trei L. Hofer. Chesc ultim se fej mé y mess gní sostituí.
Al 59ejim tira le ot Eder na punziun dan aria cuntra porta, Ferdigg fej na gran rebatöda y le palé röia sön la stangia de porta. Sön la deviaziun abina indô Ferdigg le curan püch dan le chinesc puster che es podú rové ala trata. Dô da 65' menüc toma le 0 a 2, F. Clara tira na puniziun en toch dan aria. Al la roda dô mür ia bella bassa i röia te porta dlungia pé ite. Olache le un de ciasa né röia nia. Cater menüc dedô tira le bun diesc da bun vint metri na puniziun te porta, le verdaporta ladin robat demez cun i pügns le prigo. Al 83' y 86' menüt röia bí susc Pramstaller y Fistill dan porta. Té entrames les ocajiuns scüra le arbiter "Fora dal jüch". Dô da 87' de jüch toma le 0 a 3, dô na bela aziun en velozité. Valentini röia da na pert ite t' aria y tira lunch bass cuntra le secundo pé. Tl recuper al 92' menüt röia te aria Valentini che vegn fat tome dal cinch Ladstätter. Le arbiter scüra en önescmetri mó ne amonesc nia le cinch. Al foss sté süa secunda ghela. La trata de Dallapiazza bassa splaza le portier rövan te porta sön la man ciampa dl un. Segn stara 0 a 4. La partida é stada sogada bun y an es ince podú fá val gol deplú. Jüch y conzentraziun é stá da odei. Coses che an mess ince odei tla proscima partida, olaché le aversâr sará plú sterch. Cun chisc trei punc se anse ince mioré de na posiziun tl tlassamnet, segn é l' ACD VB al nono post.

ASD Predoi - ACD Val Badia: 0 - 4

Formaziun ACD Val Badia: 1.Rene Ferdigg (capitan), 2.Thomas Verginer (dal 88' Matteo Ploner), 3.Alex Miribung (dal 29' Joel Unterweger), 4.Max Videsott, 5.Simon Graffonara, 6.Simone Dallapiazza, 7.Emanuele Sintoni, 8.Fabian Clara, 9.Marc Mayr (dal 50' Lukas Pramstaller), 10.Luca Valentini, 11.Simon Clara (dal 46' Tobias Fistill).

Alenadus: Albert Castlunger y Patrick "Cobra" Costabiei.

Goi por la Val Badia: 4' Emanuele Sintoni, 65' Fabian Clara, 87' Luca Valentini, 92' Simone Dallapiazza (önescmetri).

Proscima partida: en doman sabeda ai 18 d' aurí 2026 da les 15:30 sön la plaza "Pradel" a San Martin de Tor cuntra l' Alta Val de Puster.