ACD Val Badia - ASV Uttenheim

Sabda, 28. merz 2026

De té partides messun davagné, la buna prestaziun ná nia porté ai trei punc.

Chesta é na partida da davagné, dîsc i alenadus dô la partida. An né pó nia ester cuntenc mâ cun n punt. Les ocajiuns é stades, al ti es orú dé ciamò en diesc por cent deplú.

I aversârs é da "bate". Cun vent y soredl metun man la partida. Bele al 2' de jüch slalomeia Valentini danter i defensurs pustri passan le palé dan porta à Mayr bel sú. Le arbiter scüra na posiziun fora dal jüch. Dô da 8' menüc vegn da na pert jó y ite t' aria Kaslunger, sön chel che deplú defensurs prô dal tigní sö. Le set dla VB passa dan porta le curan à Pramstaller che mess mâ devié saorí te porta por le 1 a 0. Al 27' de jüch tira Mayr te porta, le un dl Uttenheim devieia sön süa man derta dan pé bass te ciantun. N menüt dedô sön na trata da ciantun vegn fora Ferdigg y devieie de pügn demez dan i ciês di atacanc pustri. Ala mes ora él n contrast valgamia dür dl dui Mairamtinkhof püch sura mesa ciamp sön Kastlunger che resta n pez ia por tera. Chiló degöna ghela da pert dl arbiter ??? Tl pröm menüt dl recuper ciafa le Uttenheim na puniziun en toch dan aria. La trata cuntra porta röia al defensur dal numer dui bel sú che devieia te porta, segn stara 1 a 1. Na dejatenziun cêra che porta ala parité, rovada cun la secunda trata te porta. Al 48' y 50ejim à Ploner dös bunes ocajiuns. La pröma cun na trata cross che le portier puster é bun da abine alta püch dan porta. La secunda, sön n cross de Kaslunger röiel bel sú dan le pé bass de porta devian rodunta fora. Al 71' de jüch él na trata de S. Clara te porta, le un Plankensteiner robat demez. Sön le palé röia Pramstaller che tira da daimpó te porta, le portier para cun le müs y resta ia por tera. Dô da n pez se rometl y é bun da soghè inant. Dô da 74' menüc tira Denicolo te porta, le un devieia te ciantun. Sön la trata sön le secundo pé röia Videsott bel sú, che por püch n él nia bun da devié te porta. Al 77ejim dô na bela aziun passa Denicolo te aria à "Press" Pramstaller che segna le 2 a 1. Mó nia, le arbiter anuleia le gol por na posiziun fora dal jüch. Dô da 87' menüc tira S. Clara na puniziun te porta, chesta vegn deplú iadi indolater rebatöda demez dai defensurs pustri. Cun dötes chestes ocajiuns messun sé acontenté cun n punt. Al 50' dl secundo temp dan aria salta adöm Ferdigg y le nú Oberarzbacher, mó en trami cun val bice mé é bugn da rové la partida. Te tlassament esun al non post propi adön al Uttenheim. Chech fin dl edema da Pasca né vegnel nia soghè, la proscima partida é ai 11 d' aurí 2026 (sabeda).

ACD Val Badia - ASV Uttenheim: 1 - 1

Formaziun ACD Val Badia: 1.Rene Ferdigg (capitan), 2.Matteo Ploner (dal 62' Simon Graffonara), 3.Thomas Verginer, 4.Alex Miribung, 5.Max Videsott, 6.Simone Dallapiazza, 7.Mattia Kastlunger(dal 70' Davide Denicolo), 8.Fabian Clara, 9.Marc Mayr (dal 62' Simon Clara), 10.Luca Valentini, 11.Lukas Pramstaller (dal 78' David Pizzinini).

Alenadus: Albert Castlunger y Patrick Costabiei.

Gol por la Val Badia: 8' Lukas Pramstaller.

Proscima partida: en sabeda ai 11 d' aurí 2026 da les 16:00 sön la plaza da Prettau cuntra le Prettau.