ACD Val Badia - ASV Dietenheim/Aufhofen

Sabda, 15. novëmber 2025

Tl ultima partida dá d' altonn se tolun la bela sodesfaziun da bate i secundi. La scuadra de ciasa á der combatú cuntra le sterch aversâr.

Sot n cîl corú y dan püch publich él gnú soghè l' ultima partida de chesc altonn. Le Dietenheim gnô da tröpes davagnades indolater i sterch dl secundo post te tlassament. Tl mete man se fêj odei i pustri plú stersc, mó bel plan cun conzetraziun y cumbaton sön vigni palé cresc la Val Badia. Tl mete man dl secundo temp esun stá bugn da soghè fora deplú de bunes ocajiuns da fá gol.

Al 11' menüt él na trata dá dan aria de Valentini parada ia port tera dal portier. Dô da 16' de jüch sön na trata de puniziun se alza bel de cé le cinch Winkler che devieie de püch fora. Al 23ejim él na trata dl sterch ot Ceesay te porta, Ferdigg devieia sön sua man ciampa te ciantun. Le pröm temp né nia rich de ocajiuns. Al 47' menüt vegn fora de aria devian de cé sigú Ferdigg sön na trata lungia. Al 49' de jüch tira da daimpró Pramstaller te porta, cun na gran rebatöda salva le un Messner. Sön le curan röia bel sú Valentini che tira sura porta fora. Três tl medemo menüt röia le palé en toch dan aria á Sintoni. Chesc lascia pié ia na gran trata che röia sön le pé alt plú da lunc dl verdaporta, che ne pó fá nia. N gran bel gol de "Lele". Dô da 55' menüc tira te porta prigorus le nú Volgger, le "capitan" dla VB devieia bel te ciantun. Al 70ejimo devieia te porta Denicolo, mó le jon arbiter scüra cuntra en fal sön le contrast cun le portier y Denicolo. Tres Denicolo sön na trata lungia al 76' de jüch röia bel sú dan Messner. Chesc fêj na gran deviaziun salvan i sú dal secundo gol. Ti ultimi menüc ciafa chi dl Dietenheim val puniziun y deplú trates da ciantun. La defensciun dla VB se defen bun y tignon strent le vantaje cina la fin dla partida. L' arbiter cunzed trei menüc de recuper, chisc ti sá massa püc ai pustri che se dessena valgamia. Ala Val Badia ti nel bel anfat y an pó se gode la bela deventa cuntra en der bun averâr. I jí tla palsa dl campionat cun trei punc deplú tl tlassamnet.

ACD Val Badia - ASV Dietenheim/Aufhofen: 1 - 0

Formaziun ACD Val Badia: 1.Rene Ferdigg (capitan), 2.Thomas Verginer, 3.Alex Miribung, 4.Max Videsott, 5.Simon Graffonara, 6.Simone Dallapiazza, 7.Emanuele Sintoni, 8.Fabian Clara, 9.Lukas Pramstaller (dal 67' Davide Denicolo), 10.Luca Valentini, 11.Marc Mayr (dal 79' Tobias Fistill).

Gol: 49' Emanuele "Lele" Sintoni.

Alenadus: Albert Castlunger y Patrick "Cobra" Costabiei.

Proscima partida: sabeda ai 15 de merz 2026 da les 14.30 sön la plaza da la Ila cuntra Valdaora.