ACD Val Badia - ASD Predoi

Sabda, 20. setëmber 2025

Al é sté trei punc der cumbatus cuntra i ultimi dl Prettau. An à asuié nia mâ por le gran cialt.

Sön la plaza "Pradel" él n gran, gran cialt y al é ince gnú fat al 26' menüt na palsa por podei bere. Bele da mete man anse podú odei che i ghesc à tröc d' atri sogadus che tl ultim campionat. Döt jogn che vegn fora da les scuadres joniles dl Ahrntal y Steinhaus. É ince sciöche jüch s' ai miglioré.

La VB met man bun se sogan fora les prömes ocajiuns. Al 8' menüt alza F. Clara n palé sura la lignora di defensurs pustri. Kastlunger röia bel sú dan le portier i tira te porta, süa trata né nia secia y insció le un para. Dui menüc dedô sön passada de Kastlunger da na pert ite te aria tira Mayr te porta. Cun gran desfortüna atocl la pert passa dl pé de porta lunch. Chanche an à bele scraié por le gol. Al 13' de jüch sön n palé de Mayr por le set ladin tira chesc cuntra porta. Da impröma robat en defensur la trata y dedô abina le verdaporta le curan. Dô da 22' menüc tira Valentini na puniziun te porta, le un dl Prettau robat la bela trata. Sön chesc röia Dallapiazza che tira sura porta fora. Al 42ejim él na trata diagonala bassa dl önesc Lechner che ne röia nia de tröp fora de porta. Al 44' menüt dô n contrast de jüch salt fora n pice sot y sura cun deplú sogadus. S. Clara se ciafa en pügn dal dui J. Kofler, le arbiter ti dá na "ghela". Dô da 51' de jüch tira Valentini da bun vint metri te porta, le un Gruber veiga le palé al ultim moment y le robat ite te süa porta. En sció röiel la vantaje por la formaziun ladina. Al 84ejim röia fora de püch n colp de ce de Dallapiazza bel dant le secundo pé. Al 92' röia da na pert ite t' aria Sintoni ala trata te porta, le portier robat fora. Insció resta la deventa sön le resultat de n gol. Chi da Prettau à combatú y é salta cína da inultima.
Dô la buna prestaziun de "Copa Provinzia" (17.09.25) cuntra le Terenten, pordöda por 1 a 2. Né chesta nia stada propi la miú da ödei. Chesta deventa ti é stada dedicada à "RP" che é propi chisc diss begn "40 Agn" acompagndú, verdalinies y cronist. Da impröma pró l US San Martin de Tor y dedô cun la fondaziun dl ACD Val Badia. Dedô ti él ince gnú dé na onoranza, cun ringraziamenec por só important y lezitent laur fora por tan de agn.

ACD Val Badia - ASD Predoi: 1 - 0

Formazioun ACD Val Badia: 1.Rene Ferdigg (capitan), 2.Thomas Verginer (dal 60' Max Videsott), 3.Joel Unterweger, 4.Simon Graffonara, 5.Alex Miribung, 6.Simone Dallapiazza, 7.Mattia Kastlunger (dal 70' Lukas Pramstaller), 8.Fabian Clara, 9.Marc Mayr (dal 80' Tobias Fistill), 10.Luca Valentini, 11.Simon Clara (dal 46' Emanuele Sintoni).

Gol por la Val Badia: 51' Luca Valentini.

Alenadus: Albert Castlunger y Patrick "Cobra" Costabiei.

Proscima partida: en doman sabeda ai 27 de setember da les 15:30 sön la plaza da Sest cuntra le OSG 3 Zinnen II.

Incö un albü l' onur da festejé i 40 agn de sorvisc de Renato Paratscha.
L' @us.sanmartin y nos dl ACD Val Badia rengraziun Renato por döt l' impëgn y l' tëmp che al á dediché al uniun dl sport dal 1985 inant.

DILAN / GRAZIE / DANKE