ASV Uttenheim - ACD Val Badia

Sabda, 13. setëmber 2025

Trei punc portá à ciasa da n ciamp der da büsc, olache an n â nia de bí recorc.

Propi sön chesta plaza él sozedú tl ultimo campionat le burt inzident a Luca Pizzinini che é arsí cun la ciaidla te n büsc se fajô n gran mé. Les condiziuns dla plaza é en chesc iade mius, ince sce te val toc falal l' erba y al é mâ saorun. L' erba é valgamia alta y al é rî da soghè. Al é sté na partida cumbatöda, sogada da la VB suradöt tl secundo temp tró miú. I premiada cun la pröma deventa dl campiont.

Al 13' menüt sön n cross de S. Clara röia bel sú ala deviaziun de ce Mayr che né atoca nia la porta. Al 17ejim él n fal dan aria sön Costalunga y te aria sön S. Clara, mó le arbiter valgamia da lunc dal aziun lascia döt jí. Dô da 36 de jüch tira le cinch Forer na bela puniziun te porta, Ferdigg devieia da pert fora. Sön le contrast dedô danter Unterweger y le diesc Valorz, toma chesc. I pustri protesteia pro le arbiter, la situaziun é n pú da dubité..... Al 40' menüt tira indô Forer na bela puniziun te porta. Ince en chesc iade respogn le un ladin bun devian chesta sön le pé sön süa man ciampa. Dedô röia le curan demez. N menüt dedô tira le sú Valentini te porta, le un para la trata anter les iames. Al 63' él na trata de Mayr da daimpró te porta, le un para cun val dificulté. Al 82ejim tira Costalunga te porta, le un Plankensteiner deviea da na pert fora. Sön le palé röia Denicolo che vegn da dô ite fat tomé dal trei MairAmTinkhof. Le arbiter scüra en önescmetri y desgorc le defensur por dopla amoniziun. La trata de Valentini é secia bassa sön la man ciampa dl un puster i porta al 0 a 1. Al 87' menüt él na trata da ciantun de Costalunga che vegn der bel deviada te porta da "Simi" Dallapiazza sot l' incrujada di legns de porta por le dopl vantaje ladin. Na bela deventa che premieiea l' impegn cina segn metú y fej möie só pert le tlassamnent. E en chesc iade pon sun jí dal ciamp da Uttemheim cun de bí recorc.

ASV Uttenheim - ACD Val Badia: 0 - 2

Formaziun Acd Val Badia: 1.Rene Ferdigg (capitan), 2.Thomas Verginer (dal 46' Matteo Ploner), 3.Joel Unterweger, 4.Max Videsott, 5.Alex Miribung, 6.Simone Dallapiazza, 7.Luca Valentini, 8.Fabian Clara (dal 46' Emanuele Sintoni), 9.Simon Clara (dal 63' Davide Denicolo), 10.Tobias Costalunga, 11.Marc Mayr (dal 86' Lukas Pramstaller).

Goi por la Val Badia: 82' Luca Valentini sön önescmetri, 87' Simone Dallapiazza.

Alenadus: Albert Castlunger y Patrick "Cobra" Costabiei.

Proscima partida: en doman sabeda ai 20 de setember da les 15:30 sön la plaza "Pradel" a San Martin de Tor cuntra le Prettau.