ACD Val Badia - ASV Wiesen

Sabda, 06. setëmber 2025

Na bela partida cuntra en sterch aversâr, ara ná nia falé de tröp por en resultat de parité. Gran parades de en trami i portiers.

La partida é stada soghada sön la plaza "Pradel", sön chera che al é na beleza dasoghè la sura. Tun domisdé bel cialt y cun la scuadra dla Rai Sport Ladin che la tuta só. Al é sté na bela partida plajora cun dé bele ocajiuns y parades da trames les perts. La formaziun dl Wiesen é na scuadra sterscia che bele da deplú campionac sügha dan chá tles prömes posiziuns.

I ghesc met ince atria man da fá druch y bele dô da dui menüc se ciafa Miribung na cherta ghela por n fâl dan aria. Al 9' de jüch devieia da daimpró le nú Tötsch de ce te porta, Ferdigg robat demaz dan pé de porta. Dô da 13' menüc tira Valentini na bela puniziun te porta, sot la stangia. Le un T. Rainer jora y devieia da na pert fora, F. Clara tira indô te porta. Süa trata vegn rebatöda dan porta. Al 21' menüt tira le ot S. Rainer te porta da fora dl aria, le un dla VB respogn cun na gran devaziun. Cater menüc dedô sön na passada de S. Clara röia le curan t' aria à Valentini che tira sech te porta. Le un dl Wiesen fej na gran parada salvan süa scuadra. Gol sbalié, gol cíafè. Al 26' de jüch tira le set Grabanica da trenta metri te porta, la trata röia bassa dlungia pé de porta ite sön la man ciampa de Ferdigg por le 0 a 1. Dô da 37' menüc sön na trata da ciantun röia bel sú le ot S. Rainer ala bela deviaziun de ce te porta dan le secundo pé che porta al 0 a 2. La scuadra ladina ne lascia nia dô y suradöt tl secundo temp met sot i ghesc. Al 68ejim él na bela passada de Valentini te aria por "Lele" Sintoni che lascia pié i na bela trata che röia söt le piz alt sön la man derta dl verdaporta. N gran bel gol por le 1 a 2. Mâ n menüt dedô tira Valentini na puniziun bel te porta, cun na gran deviaziun salva T. Rainer süa scuadra dal 2 a 2. La formaziun de Costabiei y Castlunger sügha y combat bun inant por chierí le pêr. Che ne röia nia. Al 91' menüt dô n slalom t' aria röia ala trata le diesc Pfitscher te porta. Ferdigg devieie te ciantun. Por la gran ligreza dl Wiesen se röia la partida bun por vei, che à messú asuié valgamia. Ala VB ti restl i complimenc por le jüch y pur la der bela plaza de jüch da pert dl Wiesen.

ACD Val Badia - ASV Wiesen: 1 - 2

Formaziun ACD Val Badia: 1.Rene Ferdigg (capitan), 2.Thomas Verginer (dal 74' Armin Plazza), 3.Joel Unterweger (dal 87' Tobias Fistill), 4.Max Videsott, 5.Alex Miribung, 6.Simone Dallapiazza (dal 46' Matteo Ploner), 7.Luca Valentini, 8.Fabian Clara, 9.Simon Clara, 10.Tobias Costalunga, 11.Marc Mayr (dal 46' Emanuele Sintoni).

Gol por la Val Badia: 68' Emanuele Sintoni.

Alenadus: Albert Castlunger y Patrick "Cobra" Costabiei.

Proscima partida: en doman sabeda ai 13 de setember da les 15:00 sön la plaza da Uttenheim cuntra le Uttenheim.