ASC Olang - ACD Val Badia

Sabda, 30. agost 2025

La Val Badia é piada ia cun le dert pé tl campionat de 3a. Categoria 2025/26. Se davagnan n prezius punt sön le rî ciamp da Valdaora.

La pröma novité é ché al é gnú dui nüs alenadus por chesc campionat. Albert Castlunger y Patrick "Cobra" Costabiei, che bele da deplú agn aleneia adöm. Cun esperienzes pró les scuadres da La Val, dl Mareo y pró i jogn. A' vei dui ti val les mius aodanzes de podei avei tröpes de beles sodesfaziuns cun chesta nöia inciaria.

Por le mete man ai albú la pröma picia sodesfaziun de pié ia cun n bun "punt" abiné fora de ciasa. Al é sté na partida tröp

cumbatöda, soghada sön la plaza sintetica. Da impröma al pur n pez plovú y tl secundo temp él spó gnú fora n bel cialt. Chí de ciasa met man da jí al atach y röia ince al gol al 17' menüt. Dô na aziun d' atach él delú rebatödes t' aria ladina. Le palé röia al sú numer önesc Zechetto che tira te porta por le 1 a 0. Al 21' menüt sön n cross t' aria e' l na trata al jore cuntra porta. Chesta röia nia de tröp dlungia pé de porta fora. Dô da 32' de jüch él na trata de Costalunga te porta, mo le un puster para saorí. Al 53' menüt sön n' aziun d' atach dla VB ne ti vegn nia scuré n fal al nú Clara. Che se dessena i rump la bandira dl ciantun se ciafan le cherta "ghela".
Dô da 62' de jüch sön na lungia passada röia le curan al sú Valentini che röia tira adoss al portier dl Valdaora. Al 74' menüt ciafa le VB na puniziun en toch fora dan la gran aria. Dla trata se inciaria le "spezialist" Valentini che fej n beliscim gol cun na trata sot le piz lunch de porta ite. Né lascian degöna poscibilité al portier M. Mutschlechner, n gran bel gol che porta al 1 a 1. La formaziun pustra à ciamò dös de bunes ocajiuns por le secundo gol. Mó cun n pú de fortüna se tegnun le 1 a 1. Da ultima é sambegn plú contenc i ladins por le bun punt arjunt.

ASC Olang - ACD Val Badia: 1 - 1

Formaziun Val Badia: 1.Rene Ferdigg (capitan), 2.Thomas Verginer, 3.Joel Unterweger, 4.Max Videsott, 5.Alex Miribung, 6.Simone Dallapiazza, 7.Luca Valentini, 8.Fabian Clara (dal 78' Matteo Ploner), 9.Simon Clara (dal 73' Emanuele Sintoni), 10.Tobias Costalunga, 11.Marc Mayr (dal 88' Lukas Pramstaller).

Gol por la Val Badia: 74' Luca Valentini.

Alenadus: Albert Castlunger, Patrick "Cobra" Costabiei.

Proscima partida: en doman sabeda, ai 6 de setember 2025 da les 15:30 cuntra le Wiesen sön la plaza dla palé "Pradel" a San Martin de Tor.

allenatori