Vendres, 25. aurí 2025
Dô na lungia aspetada por che al röies à dalerch n' arbiter, é jöda la Val Badia dassen sot cuntra le San Iöre
Por la sepoltöra dl Papá en la sabeda ai 26 d'aurí à messú gní de prescia anticipades les partides amatoriâles al vendres 25 d' aurí, dé de festa nazionâla. Danter les dös scuadres él gnú fat fora de soghè da les sis da sera, por che düc scafies da rové à da lerch dô le laur. Na sera freida y cun vent à abiné les dös formaziuns sön la plaza da San Iöre.
Lapró n' el nia rové à dalerch le arbiter che gnô dala seziun de Schio (VI) por arbitré chesta partida. Problems de comunicaziun danter les seziuns di arbitri. I acompagndus à metú man da telefoné cun l' ufize di "arbitri" da Balsan por chierí n sostitut. Le arbiter che à scuré la partida denant só Toblach, sá metú à disposiziun da arbitré ince chera sön le ciamp da San Iöre. Insció an metú man da soghè da les 19:35.
Al ti à costé à düc tröpa pazienza. La scuadra di "Amaturs" met à tira man cun gran sbunf, metôn sot presciun i Ladins. Bele al 5' menüt toma le vantaje por i pustri. Sön na passada lungia salta le nú Pupp Mary y röia sú dan porta. Cun na bela trata bassa sön le secundo pé de porta, röia le gol. Dô da 12' de jüch sön n contrast danter Mayr y le ot Gruber toma chesc t'aria. Por le arbiter él en önescmetri, scuré en pú cun prescia. La trata dl önesc Brugger é secia sön la man derta de Ferdigg. Segn stara bele 2 a 0. Al 22' menüt toma sot y sura le nú Pupp sön en contrast t' aria cun Graffonara, i pustri reclamenia en önescmetri. Al resta le dübe che ai podess avei rajun ??? Dô da mesora de jüch toma le 3 a 0. Sön na trata te porta robat cört Ferdigg, che né nia plú bun da abiné n secundo iade le curan. Sön chesc röia le dejeset Klettenhammer che devieia te porta. Al 44ejim él n' aziun dl nú Pupp da na pert jó, al salta l`ultimo defensur "Barbo" i röia bel sú dan le un ladin. Cun na bela trata danter pé y portier portel le resultatat sön le 4 a 0.
Apena metú man le secundo temp (47ejim) sön na trata abina Plazza le palé cun na man. Indô scüra le arbiter en önescmetri por le San Iöre. Indô tira le önesc Brugger na trata alta sön la man ciampa de Ferdigg por le 5 a 0. Dô da 65' menüc röia ince la pröma trata te porta dla VB. Stampfer tira da dan le limt, le un para. Al 67ejim toma le 6 a 0, sön na cörta rebatöda püch dan porta röia indô le curan al dejedot S. Piffrader. Chesc tira bel sot ite l' incrujada de porta ite. Al 90' menüt sön na passada de Costner ite dan porta, röia Ploner te na buna posiziun ala trata. Mó chesta é der alta sura fora. Le resultat es ince podú ester plú posoch, mó le un Ferdigg à albú sön les tröpes trates tres de bunes reaziuns da se defene. Limitan i goi ciafà. Na der burta prestaziun, da chera ché an messará gní fora plú atira che ara vá.
ASC Jergina Amateure - ACD Val Badia: 6 - 0
Formaziun ACD Val Badia: 1.Rene Ferdigg, 2.Florian Barbolini (dal 46' Simone Dallapiazza), 3.Armin Plazza, 4.Max Videsott (capitan), 5.Alex Stampfer, 6.Simon Graffonara, 7.Joel Unterweger (dal 70' Lois Costner), 8.Davide Denicolo (dal 54' Alexander Ploner), 9.Thomas Verginer (dal 58' Fabian Clara), 10.Emanuele Sintoni, 11.Marc Mayr (dal 46' Tobias Fistill).
Alenadú: Hanspeter Graffonara.
Proscima partida: en sabeda ai 3 de má 2025 da les 15:30 sön la plaza "Pradel" da San Martin de Tor cuntra le Uttenheim.
L' alenadú Hanspeter "Pücia" Graffonara, i acompagndus Renato Paratscha y Günther Fistill (dmc). A adoré tröpa, tröpa pazienza restan sön la plaza da San Iöre por begn cater ore y mesa.
3. Amateurliga 2024/2025