ASD Prettau - ACD Val Badia

Sabda, 12. aurí 2025

Cun dös deventes indolater, fejun n vare só pert té tlassamnet. I ares fej ince der bun por le moral dla scuadra

Le dedemesaledema al mesú gní sóghè da nú la partida cuntra le Percha. Che é gnöda cun mirit davagnada por 3 a 1. Porchel él ince da odei tan inant chi sógadus nê sintî nia la stancheza dô ma dui diss de palsa. Sön le program él na partida saorida cuntra i ultims dl Prettau. Mó chisc scé begn ciamò senza punc se prô der y nó scinché nia. Porchel à la formaziun de Graffonara messú der se porvé por avei la deventa ala fin sigöda.

Al 4' menüt röia da na pert jó Unterweger che croseia te aria. La trata vegn deviada da n defensur cuntra Sintoni che tira te porta. Indô n ater defensur puster devieia demez cuntra Denicolo. Chesc se fej lerch y tira té porta por le 0 a 1. N menüt dedô tira Valentini da plú de vint metri na puniziun te porta. Le un Gruber jora só sot l' incrujada y devieiea da na pert fora te ciantun. La VB sé sügha fora tres da nú de bunes ocajiuns. Dô da 17' de jüch tira Valentini na puniziun te porta, le portier devieia da na pert fora. Sön le curan röia Alexander Ploner t' aria che atoca cun süa trata la pert de fora dla rei. Al 42' menüt röia t' aria Sintoni da na pert ite danter i defensurs y passa bel à Valentini che dan porta cun na trata à mesa alteza segna le 0 a 2 por la VB.
Cun les bunes ocajun da signè vara ince dl secundo temp inant. Dô da 65' de jüch da n' aziun de Valentini röia le palê püch dan porta a Fistill che tira te porta. Süa trata atoca da impröma le pé de porta y robat sön la stangia de porta rovan spó fora. Na plú gran ocajiun n' él nia begn nia tl jüch al palê. Sciode por le jon Fistill che es podú avei la ligreza dl pröm gol ufizial. Al 80ejim atoca ince Valentini cun süa trata le pé bass sön la man derta dl un dl Prettau. Dô da 86' menüc röia dô les tröpes gran ocajiuns le 0 a 3 por i ladins. Sön na lungia passada de Barbolini röia te aria da na pert ite Pizzinini che tira lunch sön le secundo pé rovan al gol. Le resultat ne mai sté en discusciun, ince cun les tröpes sostituziuns fater dal alenadú Graffonara le jüch ne' nia jú à perde. Na buna Pasca à düc.

ASD Prettau - ACD Val Badia: 0 - 3

Formaziun Val Badia: 1.Rene Ferdigg (dal 80' Alex Kastlunger), 2.Matteo Ploner, 3.Florian Barbolini, 4.Max Videsott (capitan), 5.Simone Dallapiazza (dal 61' Tobias Fistill), 6.Simon Graffonara, 7.Alexander Ploner (dal 46' David Pizzinini), 8.Luca Valentini, 9.Emanuele Sintoni (dal 84' Luca Crepaz), 10.Davide Denicolo, 11.Joel Unterweger (dal 61' Fabian Clara).

Alenadú: Hanspeter "Pücia" Graffonara.

Goi por la Val Badia: 4' Davide Denicolo (1-0), 42' Luca Valentini (2-0), 86' David Pizzinini (3-0).

Proscima partida: en sabeda ai 26 d' aurí 2025 da les 15:30 sön la plaza da San Iöre cuntra i Amaturs San Iöre.