ACD Val Badia - SSV Percha

Sabda, 22. merz 2025

N punt ché vá bun. Sön le vantaje dla VB à le arbiter cometú n gran fal sciuran n önescmetri fora de vigni regula

La partida é stada soghada cun n vent freit. Dô val chambiament pró le vistiment dla scuadra de ciasa, che ne ti jô nia bun à chí dl Percha. An podú mete man la partida.

Al 3' menüt él Valentini che tira te porta dá dan aria, le un puster para ia por tera. Dô da 14' de jüch sön na trata dl nú Del Fabbro t'aria robat demez le un Ferdigg cun le pé. Al 22ejim él na bela deviaziun de cé dl ot Pezzei, Ferdigg à na gran resposta i alza sura la stangia de porta fora. Tl medemo menüt él na bela trata de Valentini che röia dlungia le pé de porta. Le un Ausserdorfer devieiea fora te ciantun. Sön le ciantun de Valentini devieia Ploner de cé, le portier para ia por tera la deviaziun. Dô da 41' de jüch sön na robatöda de Stampfer ciafa le curan Valentini bel sú t' aria pustra. Süa trata é der, der alta. Tl mete man dl secundo temp, al 51ejim él na bela puniziun de Verginer da n toch dan aria. La trata vegn alzada cun n gran intervent dl verdaporta dl Percha sura la stangia fora. Sön la trata da ciantun n él degügn dla VB arjigná ala deviaziun cuntra porta. Al 68' menüt él i pustri che se fej prigorusc cun na trata dl trei Dejaco t' aria, che vegn parada ia por tera dan la ligna dal un ladin. Al 78' menüt toma jô te aria ladina le ot Pezzei. Che se ciafa n' amoniziun por "simulaziun" dal arbiter. Dô da 79' de jüch röia te aria dan le portier Clara, chesc toma sot y sura senza che l' atacant ladin le aziches minamalmenter. Le arbiter amonesc le un Ausserdorfer por "simulazium". Spó por n pez né an nia chapí cí che le arbiter à odú y cí decijiun che al à tut. Dô deplú discusciuns scüra le arbiter n' önescmetri por la Val Badia. Valentini se suratol la trata y segna cun na trata à mesa alteza sön la man cíampa dl un dl Percha. Chesta decijiun da pert dl arbiter pê bel atira fora dl dert regolament dl jüch al palê. I chí dl Percha né azeteia nia chesta decijiuns falada. Al 87' menüt toma le 1 a 1. Dan aria e'l n contrast danter Sintoni y na soghadù puster. Le arbiter ne scüra nia le fâl evident. L' aziun vá inant y le curan röia al numer diesc Lahner che cun na trata bassa sön le secund pé de porta röia al gol dla parité. Ala fin é le resultat de 1 a 1 ince jüst. Sportivamenter é ste le "önesmetri" na gran scincunda por la VB. Spó sarâl da odei scé la partida resta cun chesc resultat, ó scé chí dl Percha fajara n recurs sön chesc "fâl tecnich" dl arbiter…

ACD Val Badia - SSV Percha: 1 - 1

Formaziun Acd Val Badia: 1.Rene Ferdigg, 2.Matteo Ploner, 3.Armin Plazza, 4.Max Videsott (capitan), 5.Alex Stampfer, 6.Alex Miribung, 7.Lukas Pramstaller (dal 61' Emanuele Sintoni), 8.Joel Unterweger, 9.Simon Clara, 10.Luca Valentini, 11.Thomas Veginer (dal 70' Fabian Clara).

Gol por la Val Badia: 80' Luca Valentini sön önesmetri.

Alenadú: Hanspeter "Pücia" Graffonara.

Proscima partida: en sabeda ai 29 de merz da les 15:00 sön la plaza da Valdaora cuntra le Valdaora.