ACD Val Badia - SC Mareo B

Sabda, 08. merz 2025

Al é sté n "derby" senza gol, mó da tröpes ocajiuns. I dui portiers é stá i mius te ciamp

Tla pröma partida da d' aiscöda dl campionat de 3a. Categoria él bele atira sön le program le "derby" danter la VB y le Mareo "B" sön le ciamp da La Ila. Spó él da odei chi ché plú en condiziun dô la palsa da d' invern. Scé düc à bele na buna forma, ó scé la rüja dal sté chic sé lascia ciamò sintí. Al é sté da odei na bela partida da en trames les perts. Vigni resultat és podú ester, ala fin cun n punt porom pó entrames les scuadres ester contentes. Trami i portiers à cun deplú de beles parades fat resté le resultata sön le 0 a 0.

Al 14' menüt tira Talmon na puniziun valgamia da lunc te porta, Ferdigg devieia dan pé sön süa man derta te ciantun. N menüt dedô sön la trata lungia de Miribung röia te aria Valentini che prô n "palonetto" che röia sura porta fora. Dô da 16' menüc röia ala trata bassa Valentini cuntra porta, le un Pedevilla robat de mez cun le pé. Al 25ejim dô na trata da ciantun roda cuntra porta de cé Talmon le palê, che röia de püch sura l' incrujada de porta fora. Al 47' menüt dl pröm temp mess lascé le "derby" le cinch Kastlunger por na destrata muscolâra ala iama derta. Al 50' de jüch tira Ploner te porta dla VB, le un Ferdigg se destira devian dan pé dert fora te ciantun. Dui menüc dedô röia bel sú Talmon dan le verdaporta dla VB, al prô la trata alta sura le un fora. Ferdigg para alt. Dô da 61' menüc él n diagonal de Obwegs che röia bass dlungia le pé de porta fora sön la ma derta dl un dla VB.
Al 67` de jüch fêj le capitan dl Mareo Castlunger n fâl da dô ita sön Fistill y se ciafa le secunda cherta ghela. Al vegn desgort. Le Mareo resta en diesc. Al 68ejim röia na puniziun de Valentini te aria al bel sú Stampfer, mó le curan é massa alt por na deviaziun. Dô da 87' menüc sön n contrast püch dan aria é bun Valentini da se fá só le palê y tira te porta. Cun n gran jore sön süa man ciampa devieia Pedevilla te ciantun la secia trata. Por na sbürla dan aria de Clara sön n' atacant marô, vegnel dé na punziun. Le "spezialist" Talmon la tira te porta, Ferdigg robat de pügn propi dan i pîsc de Rubatscher "Papú" bel sú. Chesc tira propi adoss al un dla VB che tegn só la trata, döt chesc al 89ejim de jüch. Ince en diesc sá la scudara de Guzzetti defenú bun tignin le resultat sön le pêr. Te dui caji, un por pert él ince sté val protestes por situaziun che es podú porté à önesmetri. Mó le dër jonn arbiter à araté de nó cun la medema musöra.
Dô 46' menüc se röia le secundo temp, cun val protesta. En trames les scudares és orú val menüt de recuper, udon les tröpes sostituziuns y val archirtada por i infortuns. Nia dé. En punt por om, fej möie le tlassamnet à en trames les formaziuns ladine. Ince scé les posiziuns né nia massa da bravé.

ACD Val Badia - SC Mareo B: 0 - 0

Formaziun Val Badia: 1.Ferdigg Rene, 2.Ploner Matteo, 3.Verginer Thomas (dal 65' Fistill Tobias), 4.Miribung Alex, 5.Kastlunger Mattia (dal 47' Barbolini Florian), 6.Videsott Max, 7.Costner Lois (dal 75' Clara Fabian), 8.Stampfer Alex (dal 81' Ploner Alexander), 9.Pramstaller Lukas (dal 57' Davide Denicolo), 10.Dallapiazza Simone (capitan), 11.Valentini Luca.

Alenadú: Hanspeter "Pücia" Graffonara.

Proscima partida: la Val Badia sügha süa proscima partida en sabeda ai 15 de merz da les 16:00 sön la plaza da Mühlwald cuntra le Mühlwald.