ASV Uttenheim - ACD Val Badia

Sabda, 19. otober 2024

Pordú de musöra

Soghè él gnú sön en ciamp de soni. Che à ince porté al dër burt infortüna ala ciaidla de Luca "Pizzo" Pizzinini che à messú lascé le ciamp adöm cun le dotur de emergenza.

Por chesta partida mess l' alenadú Graffonara por gauja de scualifiches y dé deplú infortuná indô chambié i aturs te ciamp. Al prô ince fora deplú nöies posiziuns de jüch pró deplú sogadus. Ala fin à la formaziun ladina tigní bun bot al Uttenheim, cun la desfarenzia che vei à signè n gol deplú. La scuadra de "Pücia" combat y se prô cun i "mesi" che ara à cina la fin. Bele pró le scaldé ite pon odei che la plaza da Uttenheim é te dër stletes condiziuns. Ara é dër morjela, té dër tröc posc falel l' erba y al é der, der tröc büsc. Suradöt tles gran aries. Al 4' menüt tira i pustri na puniziun da na pert ite te porta, Ferdigg para. Dô da dejeset de jüch toma ince bele la pröma cherta ghela, al sis F. Niederkofler por n fal grou. Dô da 25' menüc él na spurdöda por la VB, te aria refla adöm Verginer y Luca Pizzinini. Dô val menüt lêi indô só i sügha inant. Al 36' de jüch ciafa ince le cinch puster na "ghela" por n falo sön n ladin. I pustri vegn nervoji, ai né nia bugn da signè. Ince la sciora arbitra ne scüra nia propi döt cun na regola, i fêj gní n pú düc malcuntenc. Al 44' menüt röia le vantaje dl Uttenheim. Al röia n bel cross te aria ladina olache le bel sú l' önesc M. Santer deviea de cé te porta. Na dejatenziun che costará cera. N menüt dedô da na trata da ciantun devieia de tach le nú T. Achmüller cuntra porta atocan la stangia.
Dô da 55' de jüch tira i pustri na bela trata da ciantun rodunt te porta, mo propi sön le un Ferdigg che blocheia. La VB prô cun sogades basses da rové te aria pustra por arjunje le pêr, mo ara ne gareta nia. Al 72' menüt dô na deviaziun de cé arsesc le cinch "Pizzo" cun la ciaidla ciampa te na buja en toch dan porta. Chesta se roda fora y an veiga atira la gravitá dl' infortüne. Al à n gram mé y al vegn cherde le "112" da pert di acompagnadus dla VB. Udon la gravité él ince gnú atira damané le intervent dl dotur d' emergenza, che é rové te ciamp spó à stabilisé "Pizzo". Ciamò da sera à messú "Pizzo" gní operé tl ospedal da Bornech. Dô na lungia archirtada y é stada rovada la partida. Dô chesc gran "spavent" senza de gran emoziuns. Da dí él che na te plaza, cun de té condiziuns messas gní stlüta por n pez. Le risch por les ciaidles é tró massa alt. Ala fin n resultat de partité foss ince sté merité, mo da fá goi él ciamò de gran dificultes. Magari garetera cuntra Falzes.

ASV Uttenheim - ACD Val Badia: 1 - 0

Formaziun ACD Val Badia: 1.Rene Ferdigg, 2.Alex Miribung, 3.Alex Stampfer, 4.Thomas Verginer, 5.Luca Pizzinini (dal 72' Matteo Ploner), 6.Max Videsott, 7.Luca Valentini (dal 83' Joel Unterweger), 8.Simone Dallapiazza (capitan), 9.Marc Mayr (dal 77' Tobias Fistill), 10.Emanuele Sintoni, 11.David Pizzinini (dal 77' Fabian Clara).

Alenadú: Hanspeter "Pücia" Graffonara.

Poscima partida: en doman sabeda ai 26 d' otober da les 15:30 sön la plaza da La Ila cuntra Falzes.