SV Wiesen - ACD Val Badia

Sabda, 28. setëmber 2024

Pordú, dô na buna prestaziun cun impegn y conzentraziun tl jüch. Le Wiesen é terzo te tlassament

La scuadra dla Val Badia à soghè na buna partida cuntra le Wiesen cun i "mesi" che ara á à disposziun. L' impegn y la conzentraziun é stá da odei. Dant, tl atach esun n pú lisiers. Da signè val gol an gran dificultes, mâ trei chí signà te cinch partides.

Sön le "vantaje" dl Wiesen an albú gran desfortüna cun la decijiun dl jonn arbiter. La formaziun de De Angelis mete atira sot presciun i ladins. Bele al 3' de jüch él na punziun dl Wiesen che röia nia de tröp lungia porta ia. Al 21' menüt dô deplú rebatödes dan porta ladina, abina Ploner mâl le palé che al devieia cuntra porta. Le un Ferdigg sl ciafa á doss y spó röiel fora te ciantun. Na bela fortüna. Dô da 29' de jüch da na bela trata da ciantun salva püch dan la linia de porta "Pizzo" Pizzinini cun na deviaziun fora de cé. Al 33ejim peia ia cuntra aria da na pert jó en sogadù da messciamp dl Wiesen. Al é ta na posiziun evidenta de fora dal jüch. L' arbiter ne scüra nia, i chesc röia jó y ite te aria. Dô deplú trates, rebatödes y falades toma n atacant dl Wiesen t' aria. Na situaziun der da dubité sce al é n fal gran da cunzede n önescmetri. Tl dübe ne le dan nia. Mó chí tl Wiesen protesteia y le diretur le cunzed. Le trata de G. Pfitscher é secia y porta al 1 a 0 por chí de ciasa. I ladins protesteia cuntra chesta decijiun, sambegn senza suzes. Al 37' menüt toma le 2 a 0. Chiló fej le Wiesen na bela aziun che taia fora la defensciun dla VB. Metôn n cross te aria sön chel che le cater S.Rainer röia bel sú ala bela deviaziun te porta.
Tl secundo temp metl ince man da plövei cun n pice vent freit. Le Wiesen tira tl secundo temp deplú puniziun cuntra porta ladina. Vâl vegn parades, atres ne röia nia te porta. Le resultat ne chambia plú nia. Chí dl Wiesen se tira só al terzo post te tlassament. Por la Val Badia sarâl la partida de en doman cuntra le Prettau, chera dezijiva. Scé an la davagna ti lasciun le ultimo post ai pustri, senza restun bí ultimi.

SV Wiesen - ACD Val Badia: 2 - 0

Formaziun ACD Val Badia: 1.Rene Ferdigg, 2.Alex Miribung, 3.Florian Barbolini, 4.Matteo Ploner (capitan), 5.Alex Stampfer, 6.Luca Pizzinini, 7.Lois Costner (dal 77' Andre Costner) , 8.Max Videsott, 9.Luca Valentini, 10.Simone Dallapiazza, 11.Lukas Pramstaller ( dal 66' Tobias Fistill).

Alenadú: Hanspeter "Pücia" Graffonara.

Proscima partida: en doman sabeda ai 5 d' otober dales 15:30 sön la plaza "Pradel" da San Martin de Tor cuntra le Prettau.