A.C.D. VAL BADIA - A.C.D. VAL BADIA - der Fußball im Gadertal

Sabda, 21. setëmber 2024

Da fá punc n ora propi nia ester. Al é gnú pordú la cuatra partida sön cater

Sot n cîl corí él gnú soghè sön la plaza "Pradel" la cuarta partida de campionat cuntra le Valdoara. I pustri vegn alenà da deplú agn dal conescú alenadú da Rina Kalle Pedevilla. La prestaziun dla Val Badia é indô stada en sció, en sció. Scé tl pröm temp esun stá ciamò bugn cun fortüna da sé tignì le pêr de 0 a 0, era ala fin jöda fora cun la cuarta pordöda.

Tl mete man dl secundo temp, te mâ dui menüc él tomé trami i goi. Sön de gran dejatenziuns tl aria ladina. La reaziun por fá miù le resultat né nia stada "grana" asà. Dá rové al gol à la VB de gran dificultes. Al 2' menüt bel sú te aria röia ala deviaziun de cé le diesc Laner, che röia de püch fora de porta. Dô da set de jüch para ia por tera le un puster na trata de Dallapiazza deviada dan só defensur. Al 11' menüt él begn trei trates indolater cuntra porta ladina, dötes à val moda rebatödes demez. Dô da 19' de jüch él n cross t' aria de Valentini, dal atra pert t' aria él bel sú Stampfer. Lé palé é massa lunch é "Olex" ne röia nia plú al devié. Al 32' menüt robat de pé Ferdigg na trata dá daimpró dl diesc, la secunda trata vá alta sura porta fora. Dui menüc' dedô röia na trata da na pert ite dl cater Oberhofer à atoche la pert alta dla stangia de porta. Fortüna.
Al 50ejim toma le 0 a 1. Al röia n cross da na pert ite dan porta, n atacant dl Valdaora devieia sot stangia de porta. Le curan röia indô dan porta olache Laner é le plú ascvelt ala deviaziun te rei. Mâ n menüt dedô tome bele le 0 a 2. Na passada basa à mesa aria röia al önesc che tira te porta, le palé robat sot la stangia de porta rovan indô fora. Sön chesc röia ascvelt le nú De Nitto che devieia te porta. Sön en trami i goi ná la defensciun ladina nia fat na buna impresciun......Dô da 56' menüc para ia por tera Ferdigg na trata da daimpró de n atacant puster. Al 71ejim sön na trata da na pert ite de Valentini mess ince le un dl Valdaora fá na para, abinan le palé ia por tera. Al 87' atoca Valentini le pé bass sön la man derta dl un Mutschlechner, cun na bela trata da na pert ite. Le gol nó nia garaté. En sció sun vá i trei punc cuntra Valdaora, che röia tla pert alta dl tlassament.

ACD Val Badia - ASD Olang: 0 - 2

Formaziun ACD Val Badia: 1.Rene Ferdigg, 2.Alex Miribung, 3.Florian Barbolini, 4.Simon Graffonara, 5.Alex Stampfer, 6.Matteo Ploner (capitan), 7.Luca Valentini, 8.Max Videsott, 9.Simone Dallapiazza (dal 70' Joel Unterweger), 10.Davide Denicolo (dal 85' Lois Kostner), 11.Thomas Verginer (dal 38' Fabian Clara).

Alenadú: Hanspeter Graffonara.

Proscima partida: en sabeda ai 28 de setember dales 16:00 sön la plaza da Wiesen cuntra le Wiesen.

La surandada ofiziala dla nöia malieta ofrida dala firma Isifer da San Martin de Tor. (d.m.c.) Alan Trebo (dla firma Isifer), Matteo Ploner (capitan dl Acd Val Badia) y Hanspeter Graffonara (presidënt y alenadú dla scuadra dl Acd VB).