SSV Percha - ACD Val Badia

Sabda, 14. setëmber 2024

Ara nó nia jí söpert, la Val Badia é tres ciamò cun zero punc te tlassament

Gnanca cuntra Percha n era jöda da fá val punc. La formaziun dla Val Badia resta inant ultima te tlassament cun zero punc. Por chesta partida él sté sciöche alenadù "Olex" Stampfer, "Pücia" Graffonara à albú n bato te familia y é insció scusè.

Sön tröc fai sön les passades da pert di ladins él rové i goi di pustri. I deperpo sön l' atra pert, chanche chi dl Percha falâ, ne vegn nia les ocajiuns sfrutades. Al fala ince la "cativeria" sportiva che an adora por podei davagné les partides. Dô da 11' menüc toma bele le pröm gol dl Percha. En nia se capí danter le portier Ferdigg y i defensurs dla VB fej rové le palé dan i pîsc dl atacant Gatterer che segna saorí le 1 a 0. Al 19ejim de jüch toma le 2 a 0. Da na pert ite röiel n cross t' aria, sön chesc röia plú ascvelt ala deviaziun te porta T. Pezzei. Al 25' menüt sön la trata lungia te aria, röia ala deviaziun te porta Barbolini, mó le portier para avisa. Dô da 33' de jüch vegn desgort por dopla amoniziun dô deplú "fali" le n. cinch Elzenbaumer. La VB sügha cun un deplú. Al 34ejim menüt vegn fat en toch dan aria n fal sön Valentini. Le medemo tira la puniziun te porta, mó le portier puster é arjigné i para. Dô da 46' menüc fej Mayr n bur fal cun la iama alta atochan le aversâr cun le cialzá dô na oredla. Al ciafa atira la "chöcena" i mess lascé le ciamp de jüch. Le sfortuné é propi le jorman dl nú ladin, Manuel Mayr che röia te ospedal por gní chují. Al 72' de jüch él na trata dan le limit, ara röia à n defensur ladin che né nia bun da la trá demez. Le curan röia indô pró Tobia Pezzei che segna le 3 a 0. I atacanc dl Percha ti sciampa ala defensciun dl Acd, dan porta röia Huber che tira ita. Ferdigg prô la parada mó le palé röia te rei por le 4 a 0. Chesc al 78' menüt. Dô da 81' menüc vegn sburlé sot y sura t' aria Clara. Le arbiter cunzed n' önescmetri ala Val Badia. La trata sigöda de David Pizzinini porta al 4 a 1. Al 90ejim tira Del Fabbro na trata da ciantun diretamenter te porta por le 5 a 1. Che fej gní le resultat finâl valgamia posoch. La scuadra à te val momenc lascé odei de beles coses, mó ara à massa püch concrestisé.

SSV Percha - ACD Val Badia: 5 - 1

Formaziun ACD Val Badia: 1.Rene Ferdigg, 2.Alex Miribung, 3.Florian Barbolini (dal 68' Lukas Pramstaller), 4.Matteo Ploner (capitan), 5.Alex Stampfer (dal 63' Simone Dallapiazza), 6.Luca Crepaz, 7.Luca Valentini (dal 85' Luca Pizzinini), 8.Max Videsott, 9.Marc Mayr, 10.Davide Denicolo (dal 70' Fabian Clara), 11.Thomas Verginer (dal 52' David Pizzinini).

Gol por la Val Badia: 81' David Pizzinini sön önescmetri.

Alenadù: "Olex" Stampfer.

Proscima partida: vegn sogada en sabeda, ai 21 de setember da les 15:30 cuntra ASC Valdaora sön la plaza "Pradel" a San Martin de Tor.