SC Mareo B - ACD Val Badia

Sabda, 21. otober 2023

Sis punti te dui derby

N sabeda domisdé dales 17:00 él gnü soghé sot na plöia lisira l’ derby dl’ campionat de terza categoria danter l’ ASC Mareo y l’ ACD Val Badia sön l’ ciamp dal palé da Al Plan. Na partida dër combatüda cina la fin olaché n gol de Valentini a porté tröpa ligrëza ala Val Badia.

La partida mët man y al 3^ á la Val Badia bel na grandiscima ocajiun cun na trata de Valentini dal limit dl’ area aversara che vá a sbaté naota sön un n pé de porta y spo sön l’ ater pé de porta dan co ruvé tles mans dl portier. Na aziun dër sfortunada. Al 23^ á incé l’ Mareo na ocajiun cun na bela trata da püch fora d’ area che vëgn parada trancuilamënter da Ferdigg. Al 37^ á l’ Mareo ciamó na ocajiun cun na trata dal limit dl’ area, mo chësta vá de püch dlungia porta ia. Al 43^ á la Val Badia ciamó l’ ultima ocajiun dl’ pröm tëmp cun Denicolo che dribla n defensur y lascia pié ia na gran trata cuntra porta, mo incé chësta vá de püch dlungia porta ia. Te chësc pröm tëmp mancel n püch de prezisiun sön trames les perts. Dô chësta aziun ne sozedl plü nia y insciö sciüra l‘ arbiter al 45^ la fin dl’ pröm tëmp.
L’ secundo tëmp mët man y dô 14 menüc, al 59^, cambia finalmënter l’ resultat. Valentini vëgn lancé cuntra porta, dribla n defensur y lascia pié ia na bela trata bassa che röva tl’ ciantun bass de porta olaché l’ portier dl’ Mareo ne á plü degöna poscibilité. 0-1. Al 72^ á l’ Mareo indô na ocajiun cun na bela trata da püch fora d’ area che vá indô ma sura fora. Ater che chëstes döes aziuns ne sozedl plü nia tratan l’ secundo tëmp y insciö sciüra l’ arbiter al 93^, dô 3 menüc de recuper, la fin dla partida sön l’ resultat de 1-0 por la Val Badia. Al è sté na partida dër combatüda cun püces poscibilites y tröc fai sön trames les perts. Mo ala fin ti è impó l’ ACD Val Badia stá bugn da porté i 3 punc a ciasa.

SC Mareo B - ACD Val Badia: 0 - 1

Formaziun ACD Val Badia: 1. Ferdigg Rene, 2. Plazza Armin, 3. Kastlunger Mattia (dal 56^ 13. Pizzinini Luca), 4. Videsott Max, 5. Ploner Matteo, 6. Bernardi Luca (dal 51^ 14. Clara Fabian), 7. Miribung Alex (dal 77^ 19. Barbolini Florian), 8. Denicolo Davide (dal 81^ 15. Dallapiazza Simone), 9. Verginer Thomas, 10. Valentini Luca, 11. Mayr Marc (dal 89^ 17. Unterweger Joel).

Alenadú: Hanspeter Graffonara.

Proscima partida: La proscima partida vëgn sogada n sabeda, ai 28 de otober, dales 15:30 cuntra l’ ASV Wiesen sön l’ ciamp dal palé da La Ila.