Domënia, 07. mà 2023
Der na burta figöra dan le publich de ciasa. Na secia pordöda cun begn cinch goi ciafà
Dô deplú de bunes prestaziuns ince cun dös deventes y cun na miú posiziun arjunta te tlassament fej la scuadra der na burta figöra dan le publich de ciasa sön la plaza da La Ila. Jon sot bele tl pröm temp de begn cater goi. La VB à soghè cun pücia agresivité, sbalian tröp tl jüch y ti lascian al Falzes la saurida deventa. N bur vare de revers en confrunt ala bunes prestaziun da denant. La partida é stada desturbada tl pröm temp dal vent y tl secundo da la plöia. Mo chesc à valú por en trames les formaziun anfat.
Al 10' menüt tira Stampfer na puniziun ita dan porta, Fersuoch püch dan porta la devieia cun la iama te porta. En defensur é bun da trá demez le curan püch dan la lignora. Dô da 14' de jüch tira le Falzes na puniziun t' aria ladina, le trei Hainz röia ala deviaziun de ce te porta. I pustri é ensció bele en vantaje. Dui menüc dedô ciafa indô le Falzes na puniziun fete dl medemo post chó denant. Ala saorida deviaziun de cé röia en chesc iade le cater Mittich, ara porta al gol dl 0 a 2. Pró en trami i goi ne fej la defensciun dla VB nia na bela paröda. Al 22' menüt tira da fora dla gran aria le önesc Oberschmied te porta, Ferdigg jora y devieia te ciantun. Dô da 44' menüc röia le 0 a 3, le atacant Oberschmied aprofiteia de na gran endecijiun danter le portier ladin y le defensur Graffonara t' aria plazan le palê te porta bela öta. Ma dui menüc dedo toma ciamò le 0 a 4 por le Falzes. Na gnöda fora à öt le un dla VB porta indô le önesc puster ala saurida deviaziun te porta. Al 69ejim toma le cuinto gol puster. Dô deplú rebatödes dan porta ladina röia le curan al set Gruber che abina la derta deviaziun danter deplú iames ite te porta. Al 71' menüt sön na crosada de Crepaz röia le curan al set Pizzinini che roda te porta por le pröm gol dla VB. Al 86ejim toma le secundo gol di ladins. Sön na trata da ciantun röia ala deviaziun cuntra porta Fersuoch, chesta vegn ciamò deviada de puch da en defesur puster y röia te porta por le 2 a 5 finâl. An spera da ödei da pert dla Val Badia tla proscima partida cuntra i pröms dl Dietenheim na miú prestaziun y impegn.
ACD Val Badia - ASD Pfalzen: 2 - 5
Formaziun Val Badia: 1.Rene Ferdigg, 2.Matteo Ploner, 3.Simon Graffonara, 4.Omar Crepaz (dal 84` Marc Mayr), 5.Kevin Fersuoch, 6.Florian Barbolini, 7.Luca Pizzinini, 8.Alex Stampfer (capitan) (dal 66` Emanuele Sintoni), 9.David Pizzinini (dal 66` Alexander Ploner), 10.Simone Dallapiazza, 11.Max Videsott.
Alenadú: Gianni "Tormenta" Crepaz.
Goi por le Val Badia: 71` Luca Pizzinini, 86` Kevin Fersuoch.
Proscima partida: en sabeda 13 de má 2023 da les 16:00 cuntra Dietenheim/Aufhofen sön la plaza dl palê da San Laorenz.
3. Amateurliga 2024/2025