Domënia, 02. aurì 2023
Cun na buna prôa der combatöda arjunjun en bun punt, che fej ince bun por le moral dla scuadra
Dô la deludenta prestaziun tla pröma partida dl rode da d' aisciöda cuntra le Uttenheim, él da speré che la scuadra dla VB se mostras cun na miú prestaziun sön la plaza de ciasa a la Ila. Cun na miú prestaziun valgamia combatöda era jöda da sé salvé almanco en punt. La partida podô gní davagnada , jí fora sön le pêr y ince gní pordöda. Cun le resultat de parité pon ester impó contenc. Na pert dla partida é stada bun soghada da la formaziun de Crepaz/Adami, l' atra pert damí da la scuadra di ghesc.
Ala Val Badia ti él ince gnú anulé dui de bí goi por posiziuns de fora dl jüch. Al 41' menüt röia te aria da na pert ite David Pizzinini che bat cun na trata bassa le un Strickner por le 1 a 0. Mó le arbiter anuleia por na posiziun de fora dl jüch che podô ester. Dô da 44' de jüch röia le nú Mühlsteiger dasú dan le portier ladin, chesc é bun da ti paré la trata da daimpró. Al 49ejim él deplú trates cuntra porta ladina dô rebatödes, da daimpríó tira bass le sis Larch te porta. Le un Ferdigg é bun cun i pîsc y les mans da se bloché le curan püch dan la ligna de porta. Dô da 68' menüc él ne bela aziun dl Sterzing cuntra porta ladina. N atacant lascia pié ia na trata bassa che röia fora de n nia sön le pé lunch. Te chesc cajo fortüna por chi de ciasa. Cater menüc dedô röia dan porta n cross a Pellegrini che anticipeia só defesur mo tira sura porta fora. Al 77' menüt sön na trata de ciantun röia ala deviaziun de cé le önesc dla VB che röia de n toch sura porta fora. Dui menüc dedô él n' aziun prigorosa dl Sterzing cun trata te porta dl önesc M. Strickner, Ferdigg fej na gran parada. Al 90ejim él na bela aziun de "contropiede" dô che à mesaciamp ti él gnú tut le palê ai ghesc. Na pasada püch dan porta vegn deviada te porta da Denicolo por le gol dl 1 a 0. Mó ince chiló anuleia le arbiter por na posiziun de fora dl jüch. Le dübe resta, magari por val zentimeter ??? Sciode. Tl medemo menüt röia püch dan aria n atacant dl Sterzing che salta Barbolini por sun jí t' aria. Chesc le abraceia y le fej tomé. Secunda cherta ghela por "Barbo" che vegn desgort. Chesta l' ultima emoziun dla partida. Chesc fin dl edema da Pasca ne sogha la 3a. Categora nia.
ACD Val Badia - ASD Sterzing: 0 - 0
Formaziun Acd Val Badia: 1.Rene Ferdigg (capitan), 2.Alex Miribung, 3.Matteo Ploner, 4.Omar Crepaz, 5.Kevin Fersuoch, 6.Florian Barbolini, 7.Luca Valentini, 8.Max Videsott, 9.David Pizzinini (dal 63' Davide Denicolo), 10.Luca Pizzinini (dal 63' Simone Dallapiazza), 11.Davide Pellegrini (dal 81' Mattia Kastlunger).
Alenadus: Gianni Crepaz y Paolo Adami.
Proscima partida: en sabeda, ai 15 d' aurì 2023 da les 16:00 sön la plaza dl palê da Percha cuntra le Percha.
3. Amateurliga 2023/2024