Sabda, 29. otober 2022
Endô en iade la saú dla deventa, impormó la secunda te chesc campionat. An à odú n bun secundo temp cun jüch y impegn.
Cuntra i ultimi te tlassament te ciasa dl Prettau era joda indô en iade da davagné. La partida é gnöda soghada la sabeda domisdé sot n gran cialt. Cuntra la scuadra de ciasa che à mâ te lista önesc sogdaus contá, sá tl pröm temp la VB en pú stenté da comané le jüch. Les parores dl alenadú "Tormenta" tla palsa ti à dé ala scuadra plú creta y convinziun. Cun n secundo temp soghè cun tröp impegn y n jüch miú chó le Prettau era jöda da condüje i trei punc à ciasa.
Dô da 40` secunc tira Pizzinini te porta pustra, le un Gruber devieia da na pert fora te ciantun. Al 13` menüt vegn dös trates te porta di pustri, la pröma de Bernardi, rebatödes demez. Sön la medema aziun röia cun la defensciu ladina nia der bun posizionada te aria le numer nú Masoni sú ala trata. Ferdigg robat cun i pügns demez le prigo y ti en "disc" ai sú defensurs. Ala mesora sön n` aziun té aria de Mayr abina le set Hopfgartner le curan sön n brac. Mo le jonn arbiter na odú nia. Le pröm temp se röia senza de gran emoziuns. Tl pröm de jüch dl secundo temp tira le capitan Stampfer na puniziun te porta. Le verdaporta de ciasa devieia te ciantun. Dô da 54` menüc él na bela aziun cun palê bass dan aria dl Prettau. Pellegrini ciafa le palê y slaloman dan aria lascel pie i na bela trata bassa che arsesc te porta sön la man derta dl portier che né pó fá nia. 0 a 1 por la VB. Al 74ejim toma le secundo gol ladin. Na rebatöda, spizada de n defensur puster röia dan aria a Valentini che tira al jore abinan le palê alt sot la stangia de porta ite. N bel gol, che dá sicureza tl risultat. An sent che la formaziun de ciasa vegn stancia, senza degöna sostituziun. Da pert di Prettaueri vegnel ince fat tres deplú fai de jüch. Ai se ciafa ince deplú amoniziuns. Al 78^ menüt és n defensur bele amoní, por ma na "volontâra" messú ciafè la chöcena. Mó le arbiter né se lá nia sintida, da met bunamenter le Prettau te ciamò na situaziun plú stleta.
Al 80` menüt passa Luca Pizzinini n palê al compagn Dallapiazza che da dan aria tirel te porte cun na trata che röia sot le piz alt ite por le 0 a 3. Ince chesc é sté n der bel gol. Al 83ejim él ciamò na trata bassa dlungia pé bass de porta fora de Luca Pizzinini. Cun le tler 0 a 3 se röia l` ultima partida de campionat. Na pröma pert dl campionat che ná nia dé tröpes sodesfaziuns ala scuadra. An spera che le secunda pert vais damí, é che i jogn se impegnes y cresces inant.
ASD Prettau - ACD Val Badia: 0 - 3
Formaziun ACD Val Badia: 1.Rene Ferdigg, 2.Simon Graffonara, 3.Davide Pellegrini, 4.Omar Crepaz (dal 68` Simone Dallapiazza), 5.Matteo Ploner, 6.Florian Barbolini, 7.Luca Bernardi (dal 46` David Pizzinini), 8.Alex Stampfer (capitan), 9.Marc Mayr (dal 85` Alex Miribung), 10.Luca Pizzinini, 11.Luca Valentini.
Goi por la Val Badia: 54` Davide Pellegrini, 74` Luca Valentini, 80` Simone Dallapiazza.
Alenadus: Gianni Crepaz y Hanspeter Graffonara.
Proscima partida: "Copa Provinzia de 3a. Categoria" Pröm rode. En domenia, ai 6 de november 2022 da les 15:00 sön la plaza da Maran "Confluenza" cuntra Untermais Maran.
3. Amateurliga 2023/2024