Vëndres, 23. setëmber 2022
Ara ne gareta indô nia da fá i prüms punc. Na prestaziun en sció, en sció da pert dla Val Badia
La cuarta partida de campionat é bel gnöda sogada le vendres sera ai 23 de setember da les ot da sera sön la plaza da Vals. Na partida valgamia lungia che sé rovada impormó ince mesa les önesc.
Al 72`menüt él salté le implant dla löm y döt é resté à scür por feter na mesora. N problem al implant che nê nia nú, parole. Intratant tl freit à messú i sogadus se tigní cialc vignun à süa moda.
La partida sá bele da atira metöda bun por i "Gitschbergeri" che à ciafè le gol dl vantaje, ai à soghé cun agresivité combaton sön vigni palê. La Val Badia é stada en pú sprigorada y à mâ vigni tant lascé odei na buna reaziun. Ti trei temps soghà. Al 4` menüt crossei Graffonara te aria alt, le un para alt te dui temps. Dô da 7` de jüch tira le diesc na punziun te porta, Frenademetz alza cun les mans te ciantun. Sön chesta trata se alza ala bela deviaziun de cé le cinch Mair che met tl piz lunch por le 1 a 0. Al 12` menüt da buna posiziun dan porta tira bass Pizzinini te porta. La trata né nia der "secia" i vegn parada ia port tera dal un. Dô da 35 de jüch segna Pizzinini sú le 1 a 1 te na posiziun de fora dl jüch. Gol anulé, gol ciafè. Al 38` menüt vá Kastlunger à öt sön n palê dan aria. Le nú Oberhauser bat sech le portier ladin por le 2 a 0. Al 45` menüt atoca le Gitschberg la pert alta dla stangia, sön l` aziun bat le verdaporta ladin cun le spiné cuntra le pé. Mo por fotüna pol soghè inant.
Al 47ejim él t`aria ladina n fâl evident da dô só dlönesc Tauber sön Kastlunger. Le arbiter ne amonesc nia, ince cun les condiziuns bunes dla löm esl podú odei bun le suzedú. Dô da 54` menüc toma le 3 a 0. Le diesc Rossi ciafa na passada en toch sura mesacimap y lascia pié ia na secia trata che röia à mesa porta sot la stangia ite. A` chisc di garetl propo döt. Al 65ejim passa de revers cuntra aria ladina Schrott n palê senza ciaré al aversâr che röia. Aschbacher abina la pasaja i vá cuntra porta. Le un Frenademetz vegn fora y chesc alza n bel "palonetto" sura fora por le bel gol dl 4 a 0. N meüt dedô tira Sintoni te porta dl "Gitsch" da dan l` aria, le un é atent y devieia te ciantun la prigorosa trata. Dal 72 de jüch resta spó döt à scür. Cun tröpa pazienza aspetun indô la löm. Al 77` menüt mess devié na trata sön süa man derta Frenademetz te ciantun. Al 82ejim prô Bernardi sön puniziun la strada dl gol dla bandira, mó le un Mutschlechner para. Al 89` sön na trata da ciantun de Sintoni y deplú rebatödes, devieia Putzer te süa porta dlungia pé ite por le 4 a 1. Na prestaziun che vá archiviada, ciaran da se alené bun por podei fá na bela figöra tl derby cuntra La Val.
FCD Gitschberg Jochtal B - ACD Val Badia: 4 - 1
Formaziun Val Badia: 1. Denis Frenademetz, 2.Alex Miribung, 3.Simon Graffonara, 4.Omar Crepaz (dal 66` Emanuele Sintoni), 5.Mattia Kastlunger, 6.Florian Barbolini (capitan) (dal 79` Matteo Ploner), 7.Marc Mayr (dal 46` Luca Bernardi), 8.Roberto Del Negro (dal 61` Felix Schrott), 9.Max Videsott, 10.Luca Pizzinini, 11.Simone Dallapiazza (dal 46` David Pizzinini).
Gol por la Val Badia: 89` Benjamin Putzer autogol.
Alenadus: Gianni Crepaz y Hanspeter Graffonara.
Proscima partida: en domenia ai 2 d` otober da les 15:30 le derby ladin cuntra La Val sön la plaza dal palê "Pradel" a San Martin de Tor.
3. Amateurliga 2023/2024