Unsere Hauptsponsoren

Home1. MannschaftSpielberichteACD Val Badia - SSV Percha

ACD Val Badia 2021/22Sabda, 17. setëmber 2022

N resultat nia iüst

Te na sabeda sëra frëida da d’ altonn él gnü soghé la partida de campionat danter l’ ACD Val Badia y l’ ASV Percha.
L’ ultima sabeda él gnü soghé la terza partida de campionat de 3^ categoria danter l’ ACD Val Badia y l’ ASV Percha sön l’ ciamp "Pradel" da San Martin de Tor. N resultat dër fals, deache la partida è stada dër ecuilibrada cun ocajiuns sön trames les perts.

Dô che la partida á metü man mëssun aspeté l’ 29^ por odëi la pröma aziun. Videsott ciafa l’ palé y lascia pié ia na bela trata cuntra porta che vá bel plan a sbaté sön la traversa dan co jí fora de campo. N menüt dedô, al 30^, él indô la Val Badia che á na ocajiun cun Kastlunger che pëia ia dal zënter dl’ ciamp cun prepotënza, röva al limit y tira mo l’ portier salva l’ resultat cun na gran parada. Al 34^ él spo incé i ghesć che á la pröma ocajiun dla partida cun n cross bass t area ladina olaché Graffonara ti è ciamó tl’ ultim momënt da trá demez l’ palé dan l’ atacant. Al 38^ él la Val Badia che fej l’ pröm gol dla partida cun Pizzinini che vëgn lancé cun na bela passada. Chësc röva sú dan l’ portier y tira l’ palé dlungia ite por l’ 1-0 di ladins. Chësc resultat tëgn ma 4 menüc deache al 42^ él l’ arbiter che ti dá na trata dai önesc metri ai todësc che vëgn segnada y porta la partida sön l’ 1-1. Al 43^ él indô l’ Percha che atachëia ruvan dan Ferdigg cun na bela trata. Mo chësc ti è dala salvé y tigní l’ resultat sön l’ 1-1. Al 44^ él l’ Percha che á ciamó l’ ultima ocajiun dl’ pröm tëmp cun na bela trata da dalunc che vá de püch sura fora. Y insciö él incé l’ pröm tëmp che se röva sön l’ resultat de 1-1.
L’ secundo tëmp mët man cun la pröma ocajiun al 47^. L’ atacant dl’ Percha röva sú dan Ferdigg dô n dribbling, mo chësc fej n bel intervënt y ti tol demez l’ palé dai pîsc. 4 menüc dedô él indô bel l’ indema aziun cun l’ atacant da Percha che röva bel sú dan Ferdigg y chësc vëgn indô fora cun n bel intervënt y ti tol demez l’ palé dai pîsc. Al 57^ él i todësc che ti è da se porté in vantaje: do n bel cross alt che röva te area ladina, él n sogadú aversar che tol l’ palé de pröma y tira te porta por l’ 1-2. Chësc gol è l’ scomenciamënt di 13 menüc che á roviné döta la partida por la Val Badia. Al 60^ él l’ Percha che lascia pié ia na beliscima trata da dalunc che vá diretamënter tl’ ciantun alt de porta olaché Ferdigg ne pó plü fá nia. 1-3. Al 64^ él l’ Percha che fej indô n gol da dalunc cun na bela trata che vá sura l’ 1 ladin fora dan co ji te porta por l’ 1-4. Al 70^ dal spo incé ciamó ca l’ 1-5. Dô n cross di todësc él n sogadú che salta plü al alt de düc y tira l’ palé te porta cun na bela trata de cé. N menüt dedô, al 71^, ti è la Val Badia finalmënter da fá l’ secundo gol cun Mayr che röva sú al limit dl’ area y pro la trata bassa. Chësta vëgn deviada ciamó al ultim dan defensur dl’ Percha dan co ruvé te porta. 2-5. Al è na partida cun tröc goi. Dô chësc gol ne suzedl plü nia de interesant y al 90^ él l’ arbiter che sciüra la fin dla partida sënza recuper. Na partida dër ecuilibrada (incé sce an ne oress nia dí) cun l’ Percha che á sfruté la pücia esperiënza dla scuadra ladina. Na scuadra che è ciamó dër jona y che mëss ciamó crësce y imparé da gestí les partides.

ACD Val Badia - SSV Percha:  2 - 5

Formaziun ACD Val Badia: 1. Ferdigg Rene ©, 2. Miribung Alex, 3. Graffonara Simon (dal 59^ 16. Schrott Felix), 4. Crepaz Omar, 5. Barbolini Florian, 6. Kastlunger Mattia, 7. Mayr Marc, 8. Bernardi Luca (dal 67^ 13. Valentini Luca), 9. Videsott Max, 10. Pizzinini Luca, 11. Sintoni Emanuele (dal 74^ 14. Ploner Alexander).

Alenadus: Crepaz Gianni/Hanspeter Graffonara.

Proscima partida: La proscima partida vëgn sogada n vëindres, ai 23 de setëmber, dales 20:00 cuntra l’ Gitschberg Jochtal B sön l’ ciamp dal palé da Vals.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls

Finde uns auf Facebook

Facebook Image

Online Statistik

1391978
Besucher heute:Besucher heute:16
Besucher gestern:Besucher gestern:1065
Besucher diese Woche:Besucher diese Woche:2295
Besucher diesen Monat:Besucher diesen Monat:6545
Alle Besucher:Alle Besucher:1391978
Gäste momentan online: 12

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2022

Freundschaftlich 03.08.2022:
ACD Val Badia - SC Mareo: 2 - 2

26.08.2022:
ACD Val Badia - ASD Taisten Welsberg: 1 - 1

Unsere Gegner 2022/2023

puzzle3. Amateurliga 2022/2023

Kreis C

Zeige mehr...

Zum Anfang