Unsere Hauptsponsoren

Home1. MannschaftSpielberichteAFC Sterzing - ACD Val Badia

ACD Val Badia 2021/22

Sabda, 10. setëmber 2022

Na partida combatüda cina la fin

Te na sabeda domisdé de scomenciamënt d’ alton él gnü soghé la secunda partida de campionat danter l’ AFC Sterzing y l’ ACD Val Badia. In sabeda él gnü soghé la secunda partida de campionat de 3. categoria danter l’ AFC Sterzing y l’ ACD Val Badia. Na partida dër combatüda cina la fin cun tröpes ocajiuns sön trames les perts.

La partida mët man cun la pröma ocajiun por la Val Badia al 14^ cun na trata dal ciantun. Sön chësta él la defenjiun todëscia che tira demez l’ palé, mo Stampfer l’ abina al limit dl’ area y lascia pié ia n strisciun de pröma che vá sot la traversa por l’ 1-0 di ladins. La partida mët man bun por la scuadra dla Val Badia. Al 28’ él i padruns de ciasa che ti è da se porté sön le pêr cun na gran trata da fora che vá sot l’ incrujada di lëgns. La partida è sëgn sön l’ 1-1. Al 40^ él indô l’ Sterzing che á na ocajiun cun na trata dal ciantun. Sön chësta él n sogadú aversar che salta de cé y tira l’ palé te porta por l’ 2-1 dl’ Sterzing. Sëgn á la scuadra todëscia ribalté l’ resultat. Al 45^, sënza recuper, él l’ arbiter che sciüra la fin dl’ pröm tëmp sön l’ resultat de 2-1.
L’ secundo tëmp mët man cun na ocajiun por l’ Sterzing cun l’ atacant che röva sú dan Ferdigg y pro la trata, mo l’ portier ladin ti è ciamó dala devié sön la traversa y spo fora de campo cun na gran parada. 2 menüc dedô, al 52^, él incé la Val Badia che á la pröma ocajiun dl’ secundo tëmp cun Pizzinini che pëia ia cun na gran velozité, röva sú dan l’ portier y tira mo l’ portier ti è da paré la trata. Al 58’ ti è l’ Sterzing da se porté sön l’ 3-1. La defenjiun ladina fej n gran cajin y perd l’ palé. N sogadú aversar röva söl palé, vá cuntra porta y fej gol cun Ferdigg che ne á plü podü fá nia. Al 60^ él Pellegrini che lasciá pié ia na bela trata da fora dër angolada che vëgn parada dal portier cun n gran intervënt. Al 67^ él indô i ladins che á na gran ocajiun cun Del Negro che lascia pié ia na bela trata cuntra porta. Chësta pê che vais ité, mo l’ portier aversar salva süa scuadra cun na gran parada. N menüt dedô, al 68^, ti è la Val Badia da se porté sön l’ 2-3 cun n bel gol de cé de Mayr do na trata dal ciantun. La scuadra ladina sënt che al è ciamó speranza por porté a ciasa punc. Al 71^ él indô Mayr che porta la scuadra ladina cuaji sön l’ pêr cun na trata dal limit che vá de dër püch dlungia ia. Al 90^ él l’ arbiter che dá 5 menüc de recuper. Al 91^ él l’ Sterzing che á ciamó na ocajiun cun na gran trata dal limit dl’ area olaché Ferdigg mëss indô mostré so savëi por salvé i ladins dal cuarto gol. Cun chësta ocajiun él incé la partida che se röva al 95^ sön l’ resultat de 3-2 por la scuadra de ciasa. Na partida dër combatüda cina la fin olaché la Val Badia á desmostré da ester na scuadra jona, mo cun dër tröp potenzial.

AFC Sterzing - ACD Val Badia: 3 - 2

Formaziun ACD Val Badia: 1. Ferdigg Rene, 2. Ploner Matteo (dal 64^ 14. Graffonara Simon), 3. Pellegrini Davide (dal 80^ 18. Barbolini Florian), 4. Crepaz Omar, 5. Fersuoch Kevin, 6. Kastlunger Mattia, 7. Del Negro Roberto, 8. Stampfer Alex © (dal 29^ 13. Bernardi Luca), 9. Videsott Max, 10. Pizzinini Luca (dal 72^ 19. Dallapiazza Simone), 11. Sintoni Emanuele (dal 64^ 16. Mayr Marc).

Alenadus: Crepaz Gianni/Hanspeter Graffonara.

Proscima partida: La proscima partida vëgn sogada in domënia, ai 18 de setëmber, dales 15:30 cuntra l’ Percha sön l’ ciamp dal palé "Pradel" a San Martin de Tor.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls

Finde uns auf Facebook

Facebook Image

Online Statistik

1392029
Besucher heute:Besucher heute:67
Besucher gestern:Besucher gestern:1065
Besucher diese Woche:Besucher diese Woche:2346
Besucher diesen Monat:Besucher diesen Monat:6596
Alle Besucher:Alle Besucher:1392029
Gäste momentan online: 10

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2022

Freundschaftlich 03.08.2022:
ACD Val Badia - SC Mareo: 2 - 2

26.08.2022:
ACD Val Badia - ASD Taisten Welsberg: 1 - 1

Unsere Gegner 2022/2023

puzzle3. Amateurliga 2022/2023

Kreis C

Zeige mehr...

Zum Anfang