Unsere Hauptsponsoren

Home1. MannschaftSpielberichteACD Val Badia - ASV Uttenheim

ACD Val Badia 2021/22Domënia, 04. setëmber 2022

Pücies trates = degügn goi

Te n domisdé frësch de fin d' isté él l' ACD Val Badia che á metü man l’ campionat de 3. categoria 2022/23 cuntra la scuadra da Uttenheim. La domënia, ai 04 de setëmber, él le campionat che á metü man por la Val Badia che ess speré te n miú scomenciamënt te 3. categoria. Dô na partita cun pücies emoziuns él l’ ASV Uttenheim che á porté a ciasa i 3 punc.

Ti pröms 20 menüc ne sozedl püch y nia y l’ publich mëss aspete l’ 20^ por odëi la pröma ocajiun dla partida. L’ Uttenheim röva dan Ferdigg, mët n cross bass ite amez olache Pellegrini ti è ciamó tl ultim momënt da trá demez l’ palé dan che la scuadra aversara ti foss da trá te porta. Al 25^ él spo incé la Val Badia che á na ocajiun cun na trata dal ciantun olaché l’ palé resta spo n pêr de secunc te area todëscia dan che l’ arbiter sciüra por n fal de n sogadú ladin. Al 34^ él l’ Uttenheim che pëia ia cun na gran velozité dô na trata dal ciantun di ladins. Ai röva al limit dl’ area olaché l’ atacant todësch, bel sú dan Ferdigg, mëss ma plü trá l’ palé te porta por l’ 1-0 por la scuadra da Uttenheim. Al 38^ él indô la Val Badia che atachëia cun n bel cross che röva te area olaché Pellegrini prô la conclujiun de pröma cuntra porta, mo l’ palé vá de püch dlungia ia. Y insciö él incé l’ pröm tëmp che se röva al 45^ sënza tëmp de recuper sön l’ resultat de 1-0 por l’ Uttenheim.
Por la pröma gran ocajiun dl’ secundo tëmp mëss l’ publich indô aspeté 20 menüc. Al 67^ él la Val Badia che á la pröma ocajiun dl’ secundo tëmp cun dër na bela aziun che porta la scuadra dan porta aversara olaché Denicolo prô la trata. Chësta passa naota mo spo él n defensur aversar che ti è ciamó da trá demez le palé püch dan che al jiss ite. N menüt dedô, al 68^, él spo l’ Uttenheim che se porta sön l’ 0-2. L’ atacant aversar pëia ia cun na gran velozité, röva dan Ferdigg y lasciá pié ia n bel palonetto che vá sura l’ 1 ladin fora y vá te porta. N resultat nia iüst da ci che an á odü te ciamp. Al 72^ él indô la Val Badia che röva dan porta cun Del Negro che lascia pié ia na bela trata dal’ limit dl’ area, mo l’ portier aversar para la trata cun les mans sënza de gragn problems. Al 88^ él spo incé l’ ultima ocajiun dla partida. L’ Uttenheim á na gran ocajiun cun na trata de puniziun. L’ sogadú todësch lascia pié ia na gran trata cuntra porta, mo Ferdigg è reatif y deviëia l’ palé te ciantun cun na gran parada. Insciö se röva incé la partita sön l’ resultat de 2-0 por l’ Uttenheim do 3 menüc de recuper. Al è sté na partida dër combatüda, olaché la Val Badia ne se és sigü nia mirité da perde. La scuadra ladina á mostré da avëi n bel sughé, mo cun massa püc tiri te porta.

ACD Val Badia - ASV Uttenheim: 0 - 2

Formaziun ACD Val Badia: 1. Ferdigg Rene, 2. Mayr Marc, 3. Pellegrini Davide, 4. Crepaz Omar, 5. Fersuoch Kevin, 6. Ploner Matteo, 7. Del Negro Roberto, 8. Stampfer Alex, 9. Pizzinini David (dal 73^ 14. Barbolini Florian), 10. Dallapiazza Simone (dal 46^ 19. Denicolo Davide), 11. Sintoni Emanuele (dal 59^ 16. Miribung Alex).

Alenadus: Crepaz Gianni/Hanspeter Graffonara.

Proscima partida: La proscima partida vëgn sogada in sabeda, ai 10 de setëmber, dales 15:30 cuntra l’ Sterzing sön l’ ciamp dal palé da Sterzing.

 

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls

Finde uns auf Facebook

Facebook Image

Online Statistik

1391993
Besucher heute:Besucher heute:31
Besucher gestern:Besucher gestern:1065
Besucher diese Woche:Besucher diese Woche:2310
Besucher diesen Monat:Besucher diesen Monat:6560
Alle Besucher:Alle Besucher:1391993
Gäste momentan online: 24

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2022

Freundschaftlich 03.08.2022:
ACD Val Badia - SC Mareo: 2 - 2

26.08.2022:
ACD Val Badia - ASD Taisten Welsberg: 1 - 1

Unsere Gegner 2022/2023

puzzle3. Amateurliga 2022/2023

Kreis C

Zeige mehr...

Zum Anfang