Domënia, 12. jügn 2022
Finali VSS
Al fo l'ann 2012 canche la Under 15 dl ACD Val Badia à fat pert por l'ultimo iade ales Finali VSS, olache les mius 4 squadres dla provincia se fej fora i prümes 4 posc tles Finali VSS. En chela ocajiun à la U15 davagnè la finaliscima por le prüm y secundo post cuntra le Jenesien deventan insciö campiuns provinciali dl VSS.
Da dailò ele passè avisa 10 agn fina che un indo fat pert a chestes Finali, che è gnüdes sogades a Milland en domenia 12 de jügn.
A chestes Finali se à qualifichè 2 nostes squadres, la U15 dla ACD Val Badia y ince la U9 dl US Alta Badia.
La U15 à partecipè al campionato dles U15, olache inanter 13 squadres se ala classifichè al 4.post che ti à dè la poscibilitè da se soghè les semifinali cuntra l Steinegg, che è ruvada prüma ala fin dl campionato 2021-22 ince con l'aiut de dui sugadus che soga intratan l'ann con le FC Südtirol. Nosta U15 à pordü entrames les partides, a La Ila y ince a Steinegg cuntra chela squadra che à spo ince davagnè la finaliscima por 5-0 a Milland.
Nosta U15 à spo soghè y davagnè la picera finale por l 3. y 4. post cuntra l Mölten-Vöran-Hafling con le resultat de 4-1 ruvan insciö al 3.post finale. Pro chesta squadra soga jogn dl Alta Badia, da S.Martin y da La Val. L'alenadù è Hanspeter Graffonara che vegn daidè da Gunther Fistill y da Vito Miribung.
La Under 9 è ruvada a chestes Finali fajan na strada plö lungia deache tla categoria U9 ele 10 gironi te düta la provincia y al podo fa pert ales qualificaziuns por les Finali ma les mius.
La U9 dl US Alta Badia à naota davagnè so campionato davagnan 16 partides y sogan ala pari les atres 2 senza ne perde üna. La U9 a fat 85 goi te 18 partides y à davagnè le campionato con 11 punti danda la 2.classificada. Insciö se ala davagnè le dert da fa les qualificaziuns ales Finali. Chestes è gnüdes sogades a Nals le 2 de jügn y dailò à davagnè la U9 cuntra le Gherdeina por 2-1 y ince col Leifers por 4-1.
En lünesc ai 6.de jügn ele spo gnü soghè les semifinales a Kaltern. Nosta U9 à dailò pordü do na partida der combatüda cuntra le Neugries da Balsan por 4-3. Le Neugries à ince spo davagnè la Finaliscima por 4-1 a Milland.
La U9 à insciö soghè a Milland la finale por le 3. y 4. post cuntra le Tscherms-Marling che à davagnè por 3-1 y insciö ele la nosta U9 ruvada al 4.post inanter quaji 100 squadres de chësta categoria.
I sugadus che fej pert è düc dl Alta Badia y l'alenadù è l'Alessandro Fregni daidè dal Arnold Valentini y dal Alex Irsara.
Gragn complimenc a düc i sugadus, ai alenadus y acompagnadus ...y sperun che ala vais inant ince i proscimi agn tan bun.
3. Amateurliga 2023/2024