Unsere Hauptsponsoren

Home1. MannschaftSpielberichteAFC Hochpustertal - ACD Val Badia

ACD Val Badia 2021/22

Domënia, 22. mà 2022

La fortüna ne á nia daidé

Te n domisdé bun cialt él gnü soghé la partida de campionat danter l’ AFC Hochpustertal y l’ ACD Val Badia.

Te na domënia dër buna cialda cun val nio él gnü soghé la partida de campionat de 2^ categoria danter l’ AFC Hochpustertal y l’ ACD Val Badia. Na partida dër intensiva y combatüda cina la fin olache l’ ACD Val Badia és magari incé merité deplü.
La partida mët man cun la pröma ocajiun al 4^ canche n sogadú aversar röva ala trata püch dan porta, mo Frenademetz para l’ palé cun n gran intervënt. Al 8^ él l’ Hochpustertal che ciafa ciamó na poscibilité cun na bela trata da fora de area, olache Frenademetz è arjigné ca y para. L’ palé röva spo sön i pisc de n ater sogadú aversar che tira atira cuntra porta. Fersuoch prô ciamó da salvé i ladins dal 1-0, mo al ne ti è nia y fej lapro ciamó n autogol. Al 20^ él spo incé la Val Badia che á la pröma ocajiun dla partida cun Del Negro che prô da fá rové n cross t' area, mo l’ palé vëgn devié y ti röva indô söi pisc a Del Negro. Chësc prô atira la trata y ara ti gareta dër. L’ palé vá cun na gran velozité cuntra porta y vá a sbaté cuntra la traversa. Al 31^ él Pizzinini L. che prô la trata bassa da dalunc, mo l’ portier ti è da paré cun n bel intervënt. 5 menüc dedô, al 36^, ti è spo la Val Badia, dô n gröm de tentatifs, da se porté sön l’ 1-1. Pizzinini ciafá l’ palé, driblëia l’ defensur aversar cun n beliscimo tunel y pëia ia cuntra porta. Canché al röva dan l’ portier lascl pié ia na bela trata diagonala bassa olaché l’ portier pó ma plü se oje y cöie sö l’ palé. Sëgn è la partida indô ecuilibrada. Al 40^ él indô l’ Hochpustertal che atachëia cun n cross che röva te area olaché l’ atacant aversar l’ abina y prô la trata. La pücia prezijiun á fat jí l’ palé sura porta fora. Chësta è incé l’ ultima aziun dl’ pröm tëmp che se röva al 45^ sënza recuper.
L’ secundo tëmp mët man cun püces y degönes ocajiuns y l’ publich dla partida mëss aspeté l’ 64^ por udëi la pröma ocajiun. Sön na trata dl’ Hochpustertal él l’ palé che vëgn devié y röva três söi pisc de n sogadú todësch. Chësc tol la mira, lascia pié ia la trata y fej n bel gol cun na trata diagonala bassa che ne ti lascia degöna poscibilité a Frenademetz. 2-1 por la scuadra da Puster. Al 71^ él spo l’ Hochpustertal che röva cinamai sön l’ 3-1. Dô n bel cross te area ladina da pert di todësc él n atacant che vëgn lascé massa sú dala defenjiun ladina y pó tranquilamënter mëte l’ palé te porta cun na bela trata de cé. Incé Frenademetz á udü massa tert l’ palé y ne á plü podü fá nia por salvé la Val Badia dal terzo gol. Al 79^ él indô l’ Hochpustertal che atachëia la porta ladina cun n sogadú che pëia ia cun na gran velozité sön la fascia laterala dl campo, se tira ité pert cuntra porta y lascia pié na gran trata che vá de dër püch dlungia porta ia. Tröc â bel odü l’ palé te porta. Al 93^ él ciamó l’ Hochpustertal che á l’ ultima poscibilité dla partida cun na bela trata de pröma che vá dlungia porta ia. Y insciö él incé la partida che se röva al 97^, dô 7 menüc de recuper, cun l’ resultat de 3-1 por l’ AFC Hochpustertal. Al è sté na partida interessanta y combatüda cina al’ ultim menüt cun na bela prestaziun dla scuadra ladina che á porvé da rosedé le resultat cina al ultim menüt. La Val Badia á incé albü tröpa sfortüna te chësta partida cun na traversa y n autogol.

AFC Hochpustertal - ACD Val Badia:  3 - 1

Formaziun ACD Val Badia: 1. Frenademetz Denis, 2. Conrater Heinrich, 3. Kastlunger Mattia, 4. Ploner Alexander, 5. Fersuoch Kevin, 6. Ploner Matteo, 7. Mayr Marc (dal 69^ 15. Mersa Elia), 8. Stampfer Alex, 9. Pizzinini Luca, 10. Del Negro Roberto, 11. Dallapiazza Simone (dal 63^ 16. Pizzinini David).

Alenadú: Crepaz Gianni.

Proscima partida: La proscima partida vëgn sogada in domënia, ai 29 de má, dales 16:00 cuntra l’ Pfalzen sön l’ ciamp dal palé "Pradel" a San Martin de Tor.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  März 2024  »
SonMonDieMitDonFreSam
12
3456789
10111213141516
17181920212223
24252627282930
31

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1871534
Besucher heute:Besucher heute:1073
Besucher gestern:Besucher gestern:1243
Besucher diese Woche:Besucher diese Woche:4896
Besucher diesen Monat:Besucher diesen Monat:34588
Alle Besucher:Alle Besucher:1871534
Gäste momentan online: 18

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang