Unsere Hauptsponsoren

Home1. MannschaftSpielberichteACD Val Badia - ASD Taisten

ACD Val Badia 2021/22

Domënia, 15. má 2022

Na partida combatüda cina la fin

Te n domisdé dër da surëdl y cun n gran cialt él gnü soghé la partida danter l' ACD Val Badia y l' Spg Taisten/Welsberg.

Sot an gran cialt él in domënia gnü soghé la partida de campionat de 2^ categoria danter l’ ACD Val Badia y l’ Spg Taisten/Welsberg. Al è ste dër na bela partida cun tröpes aziuns, tröpes ocajiuns y na gran vëia da davagné la partida da trames les perts.
La partida mët man cun na ocajiun al 6^ por l’ Taisten/Welsberg che röva dan porta ladina y prô dui iadi la trata, mo trami i iadi él Ferdigg che para cun n bel intervënt dopl. Al 9^ él spo incé la Val Badia che á süa pröma ocajiun cun Pizzinini L. che, dô avëi riconquisté l’ palé, vá cuntra porta y pro da sfruté süa ocajiun, mo l’ portier aversar para y i ladins ciafa na trata dal ciantun. La partida è dër equilibrada y porchël mëssun aspeté l’ 33^ por udëi la proscima ocajiun dla partida. Al 33^ él l’ Taisten/Welsberg che á indô na ocajiun cun na trata de puniziun che vá de dër püch dlungia l’ palo ia. N menüt dedô, al 34^, él spo ciamó na ocajiun por l’ Taisten/Welsberg: n sogadú todësch abina l’ palé de cé t area ladina y le tira sura Ferdigg fora cuntra porta. L’ gol pê oramai bel cosa fata, mo te chël momënt él Fersuoch che se sciüra dant ite y salva l’ palé sön la strisciura de porta. N grandiscimo intervënt che salva l’ resultat. Al 38^ él indô i ladins sö dant cun Schrott che vëgn lancé cuntra porta da Pizzinini L. Schrott, dô avëi salté l’ defensur de velozité, röva bel sú dan l’ portier y prô la trata mo l’ portier para cun n gran intervënt. Sön la rebatöda él Conrater che tira dlungia porta ia. Al 48^, do 3 menüc de recuper, él l’ arbiter che sciüra la fin dl’ pröm tëmp y mëna les scuadres ti locai da se mudé.
L’ secundo tëmp mët man cun na ocajiun por l’ Taisten/Welsberg bel dô 2 menüc. La scuadra todëscia röva a la trata t’ area mo sbalia y tira sura fora. Al 53^ él spo incé la Val Badia che á la pröma ocajiun dl’ secundo tëmp cun Kastlunger che prô na beliscima trata de pröma che vá de dër püch dlungia ia, deache l’ sogadú ladin è gnü desturbé al’ ultim da n defensur aversar. Al 62^ él Pizzinini L. che pëia ia cun na gran aziun personala: al pëia ia cun na gran velozité, driblëia dui defensurs y lascia pié ia n gran strisciun cuntra porta olache l’ portier pó ma plü ti ciaré. Mo l’ palé vá a sbaté cuntra l’ palo y a Pizzinini L. ne ti vëgnel nia conzedü da esulté. Al 77^ él indô i ghesć che á na gran ocajiun cun na trata dal’ limit dl’ area che vá de püch sura porta fora. L’ sogadú ê bel sú y al és podü fá tröp deplü fora de chësta ocajiun. Al 90^ él Valentini, che è pormo da püch gnü ite, che á na gran ocajiun cun na trata da dalunc. La trata è dër bela mo nia prezisa assa deache ara vá de püch dlungia porta ia. Al 92^ él spo l’ ultima ocajiun dla partida. L’ ACD Val Badia ciafá na trata dal’ ciantun y sön chësta él ince l’ portier Ferdigg che vá sö dant a porvé da fá gol. Mo al ne è nia de fat, deache i aversars abina l’ palé y pëia ia cun na gran velozité cuntra la porta ladina. I defensurs prô ciamó da i abiné, mo al è ri. Mo canche l’ sogadú todësch röva cun l’ palé a 30 metri dan la porta öta, prôl la trata y sbalia jö la porta de almanco dui metri. Le publich ne ti è nia da crëi a ci che l’ Taisten/Welsberg á sbalié. Y cun chësta aziun él incé la partida che se röia al 93^ sön l’ resultat de 0-0. Na partida dër combatüda dal’ pröm cina al’ ultim menüt, olaché l’ ACD Val Badia á desmostré na buna prestaziun cun tröp coraje y determinaziun cuntra n aversar sterch. Al manciâ ma plü l’ gol.

ACD Val Badia - ASD Taisten:  0 - 0

Formaziun ACD Val Badia: 1. Ferdigg Rene, 2. Conrater Heinrich (dal 69^ 16. Mayr Marc), 3. Kastlunger Mattia, 4. Ploner Matteo, 5. Fersuoch Kevin, 6. Barbolini Florian, 7. Denicolo Davide (dal 85^ 18. Dallapiazza Simone), 8. Stampfer Alex (dal 73^ 15. Valentini Luca), 9. Pizzinini Luca (dal 69^ 19. Pizzinini David), 10. Del Negro Roberto, 11. Schrott Max.

Alenadú: Crepaz Gianni.

Proscima partida: La proscima partida vëgn sogada in domënia, ai 22 de má, dales 16:00 cuntra l’ AFC Hochpustertal sön l’ ciamp dal palé da Toblach.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  Februar 2024  »
SonMonDieMitDonFreSam
123
45678910
11121314151617
18192021222324
2526272829

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1871758
Besucher heute:Besucher heute:1297
Besucher gestern:Besucher gestern:1243
Besucher diese Woche:Besucher diese Woche:5120
Besucher diesen Monat:Besucher diesen Monat:34812
Alle Besucher:Alle Besucher:1871758
Gäste momentan online: 25

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang