Unsere Hauptsponsoren

Home1. MannschaftSpielberichteACD Val Badia - SSV Mühlwald

ACD Val Badia 2021/22

Domënia, 03. aurì 2022

N resultat nia dl döt iüst

Te n domisdé frëit cun la nëi che toma dal cil, él gnü soghé la partida de campionat danter l’ ACD Val Badia y l’ SSV Mühlwald sön l’ ciamp dal palé da La Ila.

Sön l’ ciamp dal palé da La Ila, sot an tëmp invernal, él gnü soghé dales 16:00 la partida de 2^ categoria danter l’ ACD Val Badia y l’ SSV Mühlwald. Na partida combatüda cina al ultim menüt da trames les perts, mo ala fin él i todësc che á albü la miú.
La partida mët man cun la Val Badia che se porta atira söl 1-0 al 7^: dô n cross ladin él l’ palé che resta n mumënt t area y insciö él Ploner A. che aprofitëia y mët l’ palé te porta. Mo al 15^ él i ghesć che se porta indô söl pêr: do na trata dal ciantun él na gran confujiun t area y la scuadra todëscia ti è da trá l’ palé t porta por l’ 1-1. Mo apëna n menüt dedô, al 16^, él la Val Badia che se porta indô inant cun le resultat. Pizzinini, dô avëi ciafe na bela passada da Ploner A., pëia ia sú cuntra porta y resta frëit dan l’ portier por realisé l’ gol dl’ 2-1. L’ ACD Val Badia è indô dant. Mo l’ vantaje döra ma 10 menüc. Al 26^ él l’ arbiter che sciüra cuntra i ladins y l’ Mühlwald ciafa na trata de puniziun: la trata vá sura la bariera fora y vá te porta por l’ gol dl’ 2-2. Do 26 menüc él bel gnü fat 4 goi. Al 30’ él indô i todësc che röva dan porta y prô la trata, mo l’ palé vëgn tigni sö. I todësc pro spo ciamó da mëte l’ palé te porta cun na rebatüda mo l’ palé vá sura fora. Do chësta aziun ne suzedl nia plü tröp y al 46^, do un n menüt de recuper, él l’ arbiter che sciüra la fin dl’ pröm tëmp. N pröm tëmp plëgn d’ emoziuns da trames les perts.
L’ secundo tëmp mët man cun na ocajiun por i ladins: Kastlunger pëia ia dal zënter dl’ ciamp, dribla dui defensurs y lascia pié ia na bela trata che vëgn parada dal’ portier aversar. Al 67^ él indô i aversars che se porta inant cun l’ resultat sön l’ 2-3. Dô na repartënza de velocité él l’ atacant aversar che röva sú dan Erlacher y tira l’ palé te porta. L’ ACD Val Badia mëss sëgn ti salté dô al pêr. Al 75^ él indô na ocajiun por l’ Mühlwald: dô na trata dal ciantun él n sogadú todësch che prô la trata de cé mo l’ palé vá sura porta fora. Al 77^ él Erlacher che á l’ palé danter i pisc y ô l passé an só defensur, mo l’ atacant è plü asvelt è abina l’ palé. Do da chësc prôl la trata te porta mo Erlacher, cun n grandiscimo intervënt, salva la porta ladina dal 2-4. N menüt dedô, al 78^, él danü l’ Mühlwald che á na poscibilité da fá gol: sön na trata dal ciantun él n sogadú che prô da fa gol de cé, mo n defensur ladin deviëia l’ palé sura porta fora. Al 88^ él spo l’ ultima ocajiun dla partida y ara è por i ladins. Ploner A. ciafa l’ palé al limit dl’ area y lascia pié ia na gran trata che vá de dër püch sura porta fora. Al 94^, do 4 menüc de recuper, él l’ arbiter che sciüra la fin dla partida cun na davagnada nia meritada da pert dl’ Mühlwald. L’ ACD Val Badia á metü ite tröp impëgn y dediziun.

ACD Val Badia - SSV Mühlwald:  2 - 3

Formaziun ACD Val Badia: 1. Erlacher Giovanni (dal 86^ 12. Frenademetz Denis), 2. Ploner Matteo, 3. Kastlunger Mattia (dal 86^ 16. Mersa Elia), 4. Mayr Marc (dal 70^ 18. Dallapiazza Simone), 5. Fersuoch Kevin, 6. Barbolini Florian, 7. Ploner Alexander, 8. Stampfer Alex (dal 70^ 14. Conrater Heinrich), 9. Pizzinini Luca, 10. Del Negro Roberto, 11. Denicolo Davide (dal 90^ 17. Granruaz Cristian).

Alenadú: Crepaz Gianni.

Proscima partida: La proscima partida vëgn sogada proscima sabeda, ai 9 de aurí, dales 16:00 cuntra l’ Sexten sön l ciamp dal palé da Sexten.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  Juli 2022  »
SonMonDieMitDonFreSam
12
3456789
10111213141516
17181920212223
24252627282930
31

Programm Ainsciüda 2022

Anmelden



Finde uns auf Facebook

Facebook Image

Aktuelle Ergebnisse

Online Statistik

1252473
Besucher heute:Besucher heute:120
Besucher gestern:Besucher gestern:784
Besucher diese Woche:Besucher diese Woche:4853
Besucher diesen Monat:Besucher diesen Monat:1697
Alle Besucher:Alle Besucher:1252473
Gäste momentan online: 19

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2021

Freundschaftlich 02.08.2021:
ACD Val Badia - ASC Mareo:  1 - 0 
06.08.2021:
ACD Val Badia - Juniores Val Badia: 5 - 0
16.08.2021:
ACD Val Badia - US La Val: 0 - 2

Unsere Gegner 2021/2022

puzzle2. Amateurliga 2021/2022

Kreis C

Zeige mehr...

Zum Anfang