SSV Mühlwald - ACD Val Badia

Domënia, 04. otober 2020

SSV Mühlwald - ACD Val Badia: 1 - 0

Plöia, granijores y mazades. Dër na burta partida senza degun jüch

Bele tratan le scaldament à tuti te i sogadus ne bela granijorada, tratant feter döta la burta partida al plovú. Freit y n cîl curí à fat da cornisc al burt spetacl te ciamp. Al é sté na der burta partida caraterisada da der, der tröc fai de jüch. Ince valch de burc. Al é joré tröpes amoniziuns da trames les perts. Ince le publich de ciasa an aldí der tröp cun só scraié posoch. Pró vigni fal subí dai ladins él sté na cornisc de: "aauu", "aauu". Jüch al palê ne él sté begn der
püch da odei.

La VB met man bun, fajon druch. Sön na bela aziun danter deplú sogadus ladins röia "Olex" Stampfer ala trata püch dan aria. Chesta à portier bele batú robat sön la stangia de porta. Sfortüna bagnada. Al 22^ de jüch röia na crosada alta en toch dan aria al set M.Gasser che la roda al jore te porta de Ferdigg. Le curan röia sot l' incrujada alta sön la man ciampa dl un dla VB ite te porta. N gran bel gol. Sön le entusiasm dl vantaje ciafa i "Mühwalderi" tröp druch y la VB ne nia buna atira da avei na reaziun che podess porté al pêr. Sön la fin dla partida à le capitan Matti Stampfer deplú de bunes ocajiuns por le gol dl pêr. Mó le portier I.Knapp à fat deplú de beles parades tignin süa porta stravardada dal gol. Sambegn dô le fin dla partida gran festa por i "Mühlwalderi" y begn püch o nia da porté à ciasa por la Val Badia.

Formaziun Val Badia: 1.Rene Ferdigg, 2.Federico Pellegrini, 3.Mattia Kastlunger (Dylan Liotto), 4.Alex Stampfer, 5.Kevin Ferousoch, 6.Paolo Adami, 7.Heinrich Conrater (Alexander Ploner), 8.Roberto Del Negro, 9.Simone Masoch, 10.Matthias Stampfer (capitan), 11.Enrico Farenzena (Gabriel Prada).

Alenadú: Cristian Curti.

Proscima partida: en domenia, ai 11 d' otober 2020 da les 15.30 cuntra l' Alta Val de Puster sön la plaza "Pradel" a San Martin de Tor.