Sabda, 29. agost 2020
ACD Val Badia - SPG Taisten: 0 - 1
dales 17:00 a La Ila
Important: Azes al publich limité. La jënt che passa dal ciamp y ó n pü se archité a ciaré, é perià da tigní les distanzes y scincajo se vistí la maschera protetiva. L'limit de porsones dé dant dala provinzia é de 500 porsones.
Do na fin de campionat n pü particolara, ola che la Val Badia á stlüt jö le rode de andata tl post plü alt de classamënt adöm al Valdaora, süga indo en chësc ann te secunda categoria alado dl classamënt post COVID che á sposté nosta scuadra al secundo post. Ince la preparaziun é stada sambëgn n pü particolara, cun regoles y adatamënc da fa. Mo le bun laur di ultimi agn vëgn indo ciaré da porté inant, cun nosc alenadú Cristian Curti, n per de "comebacks" y n per de sogadus interesanc.
Aodun ala scuadra, a döt l'staff y ales atres scuadres ladines en bun campionat.
3. Amateurliga 2024/2025