Unsere Hauptsponsoren

Home1. MannschaftSpielberichteACD Val Badia - SV Terenten

ACD Val Badia 2019/20

Domënia, 10. novëmber 2019

La Val Badia adöm al Valdaora al pröm post provisore, na bela sodesfaziun dô la pröma pert dl campionat

Dô önesc partides da d' alton pon fá en bun bilanz con tröpa sodesfaziun, se godôn ince le pröm post provisore te tlassament. Mareo, San Laorenz y Alta Val de Puster mess ciamò trá ite na partida tomada fora por le mâl temp. Porchel é l' atual tlassament ciamò provisore y al é la poscibilité de tomé val posiziun de revers te tlassament. Te na té posiziun né la Val Badia mai stada te süa storia te 2a. categoria. I sogadus nüs à porté cuantité y cualité, lapró se ai der bun intergré tl grup di "vedli". I bugn resultac é da odei. Ince en gran compliment al "Mister" Curti che é sté bun t' cört temp da formé na scuadra che à soghè tres dan chá.

Dô le pröm temp stara mâ 1 a 0 por la VB, cun tröpes de bunes ocajiuns arjomades de püch. Tl secundo temp él gnú spó metú al sigú le resultat y la cuinta deventa. Al 17^ menüt subesc Matti Stampfer en fal en trei, cater metri dan aria dl Terenten. Vel instes tira na gran bela puniziun che röia alta sot l' incrujada sön la man ciampa dl un puster, che ná begn degöna poscibilité da paré. 1 a 0. Dô da 27^ de jüch croseia Da Roit t' aria por Farenzena che bel sú arjoma la saurida deviaziun te porta. N menüt dedô él n cros de Stampfer che passa dan porta cá, dan le pé él Masoch bel sú che arjöma ince la deviaziun por le 2 a 0. Dô da 39^ de jüch arlungeia Masoch na trata cuntra l' aria dl Terenten, Farenzena asvelt l abina y röia püch dan le verdaporta.
Chesc la para ia por tera. Dô da 47^ menüc para al jore Ferdigg na trata t' aria dl diesc F.Engl. Fortüna à spó la formaziun de Curti al 59ejim. T' aria ti dá na gran sburla "Sandi" Ploner al önesc M.Engl che toma sot y sura, l' arbiter podes scuré en önescmetri. Mo al lascia ester sot les gran protestes di terneri. Dô da 68^ menüc él na passada lungia de Masoch por le capitan dla VB che vá ite t' aria, le portier ti vegn à d' incuntra. Matti met le palé bel dô ia tl piz lunch cun na trata bassa por le 2 a 0, finalmenter. Curiosité al 73^ de jüch, sön la saltada jö da pé dl ciamp desfej le diesc dl Terenten F.Engl la bandira dl ciantun. Al 84ejim tira le önesc puster M.Engl na bela punziun dô mür ite cuntra porta de Ferdigg, sön chesta él ince na picia deviaziun. Le curan röia dlungia pé bass sön la man derta de Ferdigg te rei por le 2 a 1. Ma en menüt plú tert röia le 3 a 1. Schrott fej presciun sön la defensciun pustra y abina le palé che al passa ite a mesa aria a Farenzena che sú salta le portier y met te porta
bass por le gol dla sigureza. Al 87^ menüt él na bela passada de Lorenzini por Schrott che salta en velocité la defensciun y met le palé sön le secundo pé por le bel 4 a 1. Dô da 93^ de jüch vegn ciamò descgort "Jan" Lorenzini por dopla amonziun. Dedô vegnel fat en pú de festa por le bel resultat arjunt. Al resta ciamò da soghè la secunda partida de "Copa Provinzia" por rové ia l' ativité da chesc altonn.

ACD Val Badia - SV Terenten: 4 - 1

Formaziun dla Val Badia: 1.Rene Ferdigg, 2.Simon Erlacher (dal 52^ Alexander Ploner II), 3.Mattia Kastlunger, 4.Gianluca Lorenzini, 5.Kevin Fersuoch, 6.Florian Barbolini, 7.Simone Masoch (dal 79^ Roberto Del Negro), 8.Alessandro Da Roit, 9.Cristian Granruaz, 10.Matthias Stampfer (capitan) (dal 70^ Max Schrott), 11.Enrico Farenzena.

Alenadú: Cristian Curti.

Goi por la Val Badia: Matthias Stampfer al 17^ y 68^, Enrico Farenzena al 85^, Max Schrott al 87^.

Proscima partida: en sabeda ai 16 de november da les 15:00 sön la plaza da San Laorenz cuntra le San Laorenz. Por la partida de retöda (Ritorno) dl 2. Rode de "Copa Provinzia 2019/20". La pröma partida se rovada cun la deventa dla Val Badia por 1 a 0.

 

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  Februar 2024  »
SonMonDieMitDonFreSam
123
45678910
11121314151617
18192021222324
2526272829

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1872443
Besucher heute:Besucher heute:617
Besucher gestern:Besucher gestern:1365
Besucher diese Woche:Besucher diese Woche:5805
Besucher diesen Monat:Besucher diesen Monat:35497
Alle Besucher:Alle Besucher:1872443
Gäste momentan online: 21

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang