Unsere Hauptsponsoren

Home1. MannschaftSpielberichteFC Gais - ACD Val Badia

ACD Val Badia 2019/20

Domënia, 03. novëmber 2019

Sot na gran plöia de goi, jüs sot cuntra le Gais te na partida dër storta

Bel la domenia dër grija y cun döta la plöia tomada bel danmisdé ne lasciâ nia preodei de bunes condiziuns por la partida. La plaza da Gais é dër mola bele dan le mete man y en plú al plovú por döta la partida valgamia dassen. Le jüch é sté tröp condizioné. Che la scuadra de ciasa é tun bun moment savone, ai à da püch ince chambié le alenadú.

I bel dal pröm menüt metoi man da fá druch cuntra porta ladina. Bele al 5^ de jüch segna i pustri, na cörta rebatöda de ce de Ploner röia dan i pîsc dl nú Schwemberger che da n pêr de metri devieia te porta por le 1 a 0. Al 11^ menüt sön na posiziun de fora dl jüch bunamenter nia scorada röia le önesc Hellweger sú ala trata t' aria, Ferdigg para ia por tera. L' Gais röia tres danú à de bunes ocajiuns. Na buna ocajiun à al 17^ menüt sön i pîsc Kastlunger. Sön na bela crossada t' aria de Masoch röia sú sön le palé, mo la deviaziun é debla y le un para ia por tera. L' 1 a 1 toma al 20ejim, sön en bel cross de Farenzena röia püch dan porta ala deviaziun al jore Schrott che ne lascia degöna poscibilité de parada. Mo le pêr tegn ma cater menüc, sön na trata da ciantun robat le un dla VB cört. Sön le curan anticipan düc röia le set Reichegger che tira te porta. Do da 30^ menüc toma bele le 3 a 1. Le diesc Steger lascia pié ia püch dan aria na gran trata bassa che röia dlungie pé de porta ite. N gran bel gol. Al 35ejim toma le 4 a 1. N sot y sura dan porta ladina fej robate na trata de Erlacher t' aria cuntra le compagn Ploner che devieie desfortuné te süa porta, autogol. Do da 51^ menüc passa le cinch Lanz cört de revers à só portier, plú ascvelet é Farenzena che ti aroba le palé y cun na bela trata à chazú sura le un ite toma le 4 a 2. Al 80^ menüt röia ince le 5 a 2. Steger tira na bela puniziun da dan aria dô le mür ite dlungia le pé sön la man ciampa de Ferdigg. Indô en gran bel gol, te chesta ocajiun bat Ferdigg cun le ce sön pé de porta. I mess püch dedô gní sostituí. Al 86^ de jüch fej Kastlunger en fal t' aria sön le chinesc dl Gais y le arbiter cunzed atira en önescmetri. La trata dl capitan Lanz ne lascia degöna poscibilité por Altin che vegn batú por le 6 a 2. Al 92^ menüt tira na puniziun indô Steger da dan aria bel sot stangia de porta ite por le 7 a 2. Tl
medemo menüt oron anticipé Clara dan porta atoca le trei M.Forer le palé te süa porta splazan só portier por l' autogol dl definitif 7 a 3. Na burta partida che é al plú scnel da descmuncié. Speran de podei soghè la proscima te mius condiziuns y cun deplú determinaziun.

FC Gais - ACD Val Badia:  7 - 3

Formaziun dla Val Badia: 1.Rene Ferdigg (dal 86^ Alla Altin), 2.Simon Erlacher, 3.Matteo Ploner (dal 46^ Cristian Granruaz), 4.Roberto Del Negro (dal 70^ Manuel Clara), 5.Kevin Fersuoch, 6.Florian Barbolini (capitan), 7.Stefano Masoch (dal 86^ Marc Mary), 8.Alessandro Da Roit, 9.Mattia Kastlunger, 10.Max Schrott, 11.Enrico Farenzena.

Goi por la Val Badia: 20^ Max Schrott, 51^ Enrico Farenzena, 92^ Matthias Forer (autogol).

Alenadú: Cristian Curti.

Proscima partida:  En domenia, ai 10 de november 2019 da les 14:30 sön la plaza da La Ila cuntra le Terenten.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  April 2024  »
SonMonDieMitDonFreSam
123456
78910111213
14151617181920
21222324252627
282930

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1872545
Besucher heute:Besucher heute:719
Besucher gestern:Besucher gestern:1365
Besucher diese Woche:Besucher diese Woche:5907
Besucher diesen Monat:Besucher diesen Monat:35599
Alle Besucher:Alle Besucher:1872545
Gäste momentan online: 23

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang