Home1. MannschaftSpielberichteACD Val Badia - AFC Hochpustertal

ACD Val Badia 2019/20

Domënia, 13. otober 2019

La Val Badia se lascia scampé la deventa dô le dopl vantaje cuntra en aversâr de döt respet.

La partida à ciamò podú gní sogada sön le ciamp "Pradel" por le bunes condiziuns dl temp, impede sö a La Ila. Te en bel domisdé se an podú gode na intersanta partida, de n bun livel. I ghesc dl Alta Val de Puster meta tira man da fá le jüch, dô en önescmetri nia trasformé röia impó le dopl vantaje por la VB. Mo la reaziun di pustri é stada grana y ai é rová al merité pêr. Cun en bun punt messun da en ultima ester contenc.

Al 5^ menüt mess alzé na trata da na pert ite te porta Frenademetz sura porta fora te ciantun sön trata dl ot Bosa. Dô da 12^ de jüch, sön n bel pass de Masoch che abina en palé jó en som dl ciamp y tl passa dan porta a Lorenzini. Süa trata da n meter robat cun le pé le un puster. Al 15ejim él en contrast t' aria danter Granrauz y le önesc Schwarz che toma, i pustri sügha inant mo protesta sön le intervent. Sön l' aziun tira en atacant te porta, mo sön la trata fej en gran intervent le numer nú dla VB rebaton la trata püch dan porta. Al 28^ menüt fej Masoch sön la man derta na gran sogada y passa en palé d' ora al "capitan" dla VB che tira te porta. Cun dös gran parades, öna cun les man y öna cun i pîsc salva Auer le resultat. Dô da 31^ de jüch sön na trata de Lorenzini püch dan porta abina le dui Oberkofler le curan te n brac. L' arbiter Menotti cunzed en önescmetri ala VB. Stampfer tira en striscun bass sön la man ciampa dl portier. Cun na gran rebatöda devieia le bun vedaporta da na pert fora. Dô da 45^ menüc sön na bela passada de Farenzena y na picia deviaziun de n defensur puster röia le palé a Masoch che splundra te porta por le 1 a 0.
Dô da 64^ de jüch röia le dopl vantaje por la formaziun de Curti. Sön na trata de Lorenzini cuntra porta röia ala deviaziun "Matti" che é bun en chesc iade da bate le sterch portier dl Alta. Al 69^ menüt él en sot y sura dan porta ladina dô na trata da ciantun. Le catordesc Sulzenbacher röia à spizé le palé te porta da püc metri por le 2 a 1. Na gran trata de Kastlunger al 72ejim vegn deviada dal un puster sura stangia fora. Dô da 74^ menüc toma le 2 a 2. Sön na trata dal ciantun se alza danter deplú defensurs le set P.Bocher che devieia bel te porta de ce. Gran ligreza por i pustri. Al 81^ de jüch röia sú cuntra aria dl "Alta" Stampfer che vegn tigní sö dal scüre dl arbiter por na posiziun de fora dl jüch. Chiló sal begn falé le diretur. Al 92^ menüt tira i pustri na puniziun t' aria dla VB. Lorenzini l' abina de ce cuntra süa porta, cun n gran intervent sön süa man ciampa salva Frenademetz süa scuadra dal 2 a 3. Insció se röia la partida cun düc contenc por en bun punt. Por le derby, cun döte dös le scuadres cun i medemi punc, ciararan da defene chesta buna posizun te tlassament.

ACD Val Badia - AFC Hochpustertal: 2 - 2

Formaziun Val Badia: 1.Denis Frenademetz, 2.Simon Erlacher, 3.Mattia Kastlunger, 4.Gianluca Lorenzini, 5.Kevin Fersuoch, 6.Florian Barbolini, 7.Simone Masoch (dal 61^ Alexander "Sandi" Ploner II), 8.Cristian Granrauz, 9.Alexander Ploner I (dal 68^ Marc Mayr), 10.Matthias Stampfer (capitan), 11.Enrico Farenzena.

Alenadú: Cristian Curti.

Goi por la Val Badia: 45^ Simone Masoch, 64^ Matthias Stampfer.

Proscima partida:   en domenia, ai 20 d' otober da les 15:30 sön la plaza "Ciamaur" da Al Plan por le "derby" cuntra le Mareo.

 
«  August 2020  »
SonMonDieMitDonFreSam
1
2345678
9101112131415
16171819202122
23242526272829
3031

Programm Ainsciüda 2020

Anmelden



Finde uns auf Facebook

Facebook Image

Online Statistik

794460
Besucher heute:Besucher heute:733
Besucher gestern:Besucher gestern:1733
Besucher diese Woche:Besucher diese Woche:3426
Besucher diesen Monat:Besucher diesen Monat:4703
Alle Besucher:Alle Besucher:794460
Gäste momentan online: 15

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2019

Freundschaftlich 11.08.2019:
ACD Val Badia - SC Mareo:  2 - 2 (9 -10 d.r)

11.08.2019:
FC Gherdëina - ACD Val Badia:  3 - 0  

Unsere Gegner 2019/2020

puzzle2. Amateurliga 2019/2020

Kreis C

Zeige mehr...

Zum Anfang