Unsere Sponsoren

Home1. MannschaftSpielberichteSSV Mühlwald - ACD Val Badia

ACD Val Badia 2019/20

Domënia, 06. otober 2019

Porté à ciasa en bun punt, sön le rî ciamp da Mühlwald

Chi da Mühlwald é stá dagnora chonescüs sciöche "de dürz", cun pücia technica y che ne sconâ nia les ciaidles di aversârs. Mó tl ultimo campionat se ai davagné de podei soghè por le pröm iade te süa storia te secunda categoria. Te vigni partida, suradöt te ciasa dai le mascim por fá punc por la salveza. Intratant anse ince podú odei che ai é gnus mius tla technica y che ai à tröc de bugn sogadus. I sce begn che ai à ma cater punc te tlassament, ne ai nia subí de gran pordödes cun tröc goi. N cîl corí y na temperatöra da d' altonn tolô ite la partida. Tröp publich ti ciarà ala partida, sambegn de "fede" da Mühlwald. Che se lasciâ tröp aldí sön i fai de jüch di sogadus dla VB.

I "Mühlwalderi" met atira man cun gran slöm, salton sön vigni palé y porvan da rové al vantaje. Mo la miú ocajiun à i ladins bele al 6^ menüt. Na bela passada bassa de Del Negro t' aria por Masoch fej rové chesc da sú dan le un puster. Süa bela trata él bun da robate cun i pügns. Al 21^ de jüch tira le bun diesc Maurer n' striscun sön puniziun te porta de Ferdigg. Chesc para ia por tera te dui iadi. Tres sön puniziun al 31^ menüt tira Oberhuber da plú de vintecinch metri te porta, le portier dla VB para senza dificulté. Dô da 39^ de jüch sön na passada lungia röia Farenzena al gol cun na trata sura le portieri te, mó le arbiter scüra en fora dl jüch. Val protesta ele, mo al né por nia se dessené sö le arbiter ladin Zardini. Al 43ejim tira le Mühlwald na puniziun svelta y lungia t' aria de Ferdigg. Le diesc Maurer é bel sú mo ne röia nia ala deviaziun cuntra porta. Al 50^ menüt él bel sot le publich en fal de Fersuoch sön le önesc J.Volgger che resta dî ia por tera. Le publich che ores le cherta "arancia" por le defensur ladin ti scrai ite "Du walischer Fünfa", le fal é ma ma da "ghela". Al sá fat plú mè da tomé jö cho sön le fal de jüch. Dô da 58^ de jüch tira Stampfer na gran puniziun da fora dla gran aria. Püch dan le pé sön la man derta jore le un I.Knapp devian te ciantun. N menüt dedô tira na puniziun Farenzena ciafada por en fal sön Fersuoch. Le verdaporta para te dui temps. Al 63ejim devieia te porta de ce le nú Oberlechner, mo Ferdigg é atent i para la trata. Do le scüre finâl é chi dla VB cuntenc cun n punt, en pü mancho chi da Mühlwald che nes orú trei por fá en vare inant tla tlassifica por la salveza. En bun punt tröp combatú sön en rî ciamp. I la posiziun te tlassamnet resta dër buna.

SSV Mühlwald - ACD Val Badia: 0 - 0

Formaziun Val Badia: 1.Rene Ferdigg, 2.Simon Erlacher (dal 74^ Alexander "Sandi" Ploner II), 3.Matteo Ploner, 4.Roberto Del Negro, 5.Kevin Fersuoch, 6.Florian Barbolini, 7.Simone Masoch, 8.Alessandro Da Roit (dal 87^ Alexander Ploner I), 9.Mattia Kastlunger, 10.Matthias Stampfer (capitan), 11.Enrico Farenzena.

Alenadú: Cristian Curti.

Proscima partida:  en domenia ai 13 d' otober da les 15.30 sön la plaza "Pradel" a San Martin de Tor cuntra l' Alta Val de Puster.

 

Finde uns auf Facebook

Facebook Image

Highlight der Woche




Derby ladin ACD Val Badia - SC Mareo

Online Statistik

589310
Besucher heute:Besucher heute:306
Besucher gestern:Besucher gestern:375
Besucher diese Woche:Besucher diese Woche:306
Besucher diesen Monat:Besucher diesen Monat:7299
Alle Besucher:Alle Besucher:589310
Gäste momentan online: 3

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2019

Freundschaftlich 11.08.2019:
ACD Val Badia - SC Mareo:  2 - 2 (9 -10 d.r)

11.08.2019:
FC Gherdëina - ACD Val Badia:  3 - 0  

Unsere Gegner 2019/2020

puzzle2. Amateurliga 2019/2020

Kreis C

Zeige mehr...

Zum Anfang