Unsere Hauptsponsoren

Home1. MannschaftSpielberichteACD Val Badia - ASD Taisten

ACD Val Badia 2019/20

Domënia, 08. setëmber 2019

Al é gnú soghè tun ciamp dër, dër mol. Trames le scuadres sá porvé.

Por la Val Badia él n bun punt.

La plaza "Pradel" é tröp mola, dô döt cí che al à plovú. Le arbiter che rovâ da Balsan fora é ince sté intardié da n inzident sön l' autostrada. La partida à metú man cun plú de mesora de ritard. Dô en surapost sön plú perts dla plaza à l' arbiter conzedú da soghè la partida. Sot na picia plöia él gnú metú man.

Dô da 6^ menüc salta le asvelt O.Burger Fersuoch t' aria y tira bas te porta da na pert cá. Ferdigg devieia la trata cun na man da na pert fora y dedô tira M.Ploner demez le prigo. Danter le 11^ y le 12^ de jüch tira la VB cinch ciantun indolater cun deplú deviaziuns di defensurs pustri. Por en pez resta ince le portieri a por tera por n bot al scnedl ciamp. Mo al é bun da soghé inant. Al 19^menüt crosseia dan porta Masoch, en defensur tira fora cört dan i pîsc de "Matti" che fej pié ia na bela trata à mesa lateza che röia danter pe de porta y portir te rei, 1 a 0. Al 22^ menüt toma bele le 1 a 1. Na bela passada röia dan aria al sú diesc Murano che cun na bela trata à mesa alteza sön la man derta de Ferdigg porta al pêr. Bel gol. Al 24ejim passa lunch Farenzena a Matti Stampfer che röia sú dan porta. Le arbiter scura en fora dl jüch, protestes da pert dl VB che veiga la posiziun dl "Capitan" derta. Ma en menüt dedô röia indô "Matti" sú dan le portier y tira. Ceravolo ti robat la trata cun n pé. Al 26^ menüt atoca le ot Schwingshackl la pert alta dla stangia de porta cun na bela trata. Tl secundo temp sügha le Taisten cun tröp plú druch, meton sot presciun la defensciun ladina. Al 52^ de jüch abina le un dla VB na trata che ti sciampa y abina da nú, n pice spavent che pó suzede cun döt chesc molé. Al 63^ menüt él na bela passada de Del Negro por le diesc ladin che röia t' aria da na pert ite y tira. Le palê atoca la pert de fora dla rei de porta. Dô da 66^ de jüch atoca le bun ot dl Taisten la stangia de porta cun na trata t' aria. Dô en bel sot y sura tl aria dla VB. Al 68ejim tira le ot puster na puniziun da dan aria, le mür la devieia y dedô blocheia Ferdigg. Al 89^ menüt él n diagonal dl nü O.Burger che passa dan porta cá jon fora dlungia pé bass. Al 91^ de jüch atoca le capitan dla VB cun na trata da cianutn la rei ia dedô porta. Ultima emozioun de na plajora partida sogada te chestes rîes condiziuns. Cun en pú de fortüna se tegnun n bun punt cuntra n der bun aversâr. Partida der bun arbitrada cun mâ na "ghela", por Alexander Ploner y por en pice fal. Nia odú na l' arbiter en comedun de Murano sön Kastlunger, che ti à fat tröp mé al gramurin y al à messú lascié le ciamp. Pazienza. La proscima partida röia le sterch Steinhaus pröm te tlassament, an spera suradöt sön na bela plaza süta. Por fá ince chiló na bela figöra.

ACD Val Badia - ASD Taisten:  1 - 1

Formaziun Val Badia: 1.Rene Ferdigg, 2.Christian Azzolini, 3.Matteo Ploner, 4.Gianluca Lorenzini, 5.Kevin Fersuoch, 6.Florian Barbolini, 7.Mattia Kastlunger (dal 58^ Roberto Del Negro), 8.Alexander Ploner I, 9.Simone Masoch, 10.Matthias Stampfer (capitan), 11.Enrico Farenzena (dal 77^ Alexander "Sandi" Ploner II).

Alenadú: Cristian Curti.

Gol por la Val Badia: 19^ Matthias Stampfer.

Proscima partida: en domenia ai 15 de setember da les 15:30 sön la plaza "Pradel" a San Martin de Tor cuntra le Steinhaus.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  März 2024  »
SonMonDieMitDonFreSam
12
3456789
10111213141516
17181920212223
24252627282930
31

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1871122
Besucher heute:Besucher heute:661
Besucher gestern:Besucher gestern:1243
Besucher diese Woche:Besucher diese Woche:4484
Besucher diesen Monat:Besucher diesen Monat:34176
Alle Besucher:Alle Besucher:1871122
Gäste momentan online: 16

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang