Unsere Sponsoren

Home1. MannschaftSpielberichteAFC Sexten - ACD Val Badia

ACD Val Badia 2019/20

Sabda, 31. agost 2019

Buna partenza tl campionat cun meritada deventa sön le rî ciamp da Sest.

N bur inzident à n aversâr à tigní chita la partida chodî.

La VB se prejenta te ciamp cun trei nüs sogadus, Da Roit, Masoch y Farenzena gnü da Egot sö por soghè cun la scuadra dl confermé Curti. Nia plú pert dla scuadra 2019/20 ne fej i pilastri y storichs sogadus: Alex Felder, Alex Stampfer, Sam Vittur. Luca Bernardi é sté impresté a La Val y Andrea Conrater é demez por stüdi. Chestes le novites. Dô se avei davagné le azes al secundo rode de "Copa Provinzia" cun dös bunes partides cuntra le Goldrain. Esun ince piá ia bun te campionat cun na buna prestaziun, te na partida dër, dër combatöda.

I patruns de ciasa o da atira fá le jüch, atacan. La pröma trata te porta é de Matti Stampfer dô caranta secunc, le un para ia por tera. Dô da 11^ menüc tira le ot Trenker na puniziun te porta, Ferdigg para alt. Al 24ejim él na trata t' aria dl dui Gatterer che le un dla VB para ia por tera. Al 33^ de jüch röia le vantaje. Na passada bassa de Mayr da na pert dl aria fej pié ia Farenzena che sogha fora dui defensurs y se prejenta sú dan Villgrater. Cun furbizia y gran technica alzel le curan sura le un ite por le 0 a 1. Dô da 45^ menüc sön en contrast alt danter Lorenzini y Shala toma l' atacant cosovaro jö burt ojon le pé sot ite. Al sá ot le scnedl dert. Al vegn atira cherdé le 112 y la partida vegn tignida sö valgamia dî. Le dotur d' emergenza cun só  "Team" stabilizeia sön le post le desfortuné, che vegn spó condüt tl ospedal da Sanciana. Dan rové le pröm temp fej sön presciun dl alenadú dl Sest l' arbiter trá na puniziun ai pustri por le fâl subí da só atacant. La trata é tl mür defensiv dla VB.
I pustri vegn te ciamp tl secundo temp tröp agresifs, al é der tröc fai. Al 57^ de jüch sön na trata da ciantun devieie te porta de ce Masoch, mo le un para alt la bela deviaziun. Dui menüc dedô röia sú t' aria Farenzena ala trata, le un dl Sest robat cun savei la trata da daimpró. Gran ocajiun. Al 73ejim vegn desgort dô n bur fâl sön la önesc dl VB por dopla amoniziun le ot Trenker. Al met man na gran discusciun cuntra l' arbiter puster, al ti vegn trat dant de scure massa por la VB, danejan vei. Al 75^ menüt tira le catordesc Happacher bel te porta, Ferdigg s' alza devian da na pert fora. Dô da 81^ de jüch robat le verdaporta dl Sest na trata te porta de Da Roit. T' aria sön chesta röia Kastlunger ala trata da daimpró che otoca la pert bassa dl pé de porta. Le 0 a 2 nó nia ester. Al 92ejim vegn t' aria fat tomé Schrott cun na sburla da en defensur, mó le fal ne vel nia en önescmetri. Al 93^ menüt vegn ince desgort "Nusc" Erlacher por dopla amoniziun dô avei trat ia dal lüch da paur dô ciamp le palê à jüch bel chit. La partida se röia cun tröp nervosiscm y chi dl Sest l' à tres ciamò sö cun le arbiter che ti es
fat dann. Por la formaziun de Curti trei punc importanc sön en ciamp der rî. Davagná cun suius y impegn de vigniun.

AFC Sexten - ACD Val Badia:  0 - 1

Formaziun dla Val Badia: 1.Rene Ferdigg, 2.Simon Erlacher, 3.Mattia Kastlunger, 4.Gianluca Lorenzini, 5.Paolo Adami, 6.Florian Barbolini, 7.Marc Mayr (dal 66^ Matteo Ploner), 8.Alessandro Da Roit, 9.Simone Masoch, 10.Matthias Stampfer (capitan) (dal 78^ Max Schrott), 11.Enrico Farenzena.

Gol por la Val Badia: 33^ Enrico Farenzena.

Alenadú: Cristian Curti.

Proscima partida: en domenia, ai 08 de setember 2019 da les 15.30 sön la plaza "Pradel" a San Martin de Tor cuntra le Taisten/Valsperch/Prags.

 

Finde uns auf Facebook

Facebook Image

Online Statistik

577732
Besucher heute:Besucher heute:175
Besucher gestern:Besucher gestern:293
Besucher diese Woche:Besucher diese Woche:175
Besucher diesen Monat:Besucher diesen Monat:4943
Alle Besucher:Alle Besucher:577732
Gäste momentan online: 15

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2019

Freundschaftlich 11.08.2019:
ACD Val Badia - SC Mareo:  2 - 2 (9 -10 d.r)

11.08.2019:
FC Gherdëina - ACD Val Badia:  3 - 0  

Unsere Gegner 2019/2020

puzzle2. Amateurliga 2019/2020

Kreis C

Zeige mehr...

Zum Anfang