Domënia, 26. mà 2019
La Val Badia resta te 2a. categoria, la salveza é dan man.
Dô na partida asuiada da tröpes emoziuns.
"Salveza, salveza, salveza" gnôl ciantè à alta usc tles gabines da se mudé dô la fin dla partida. Begn merité, mo ci asuiada por porté à ciasa chesta devënta. Al é sté na gran desferenzia danter le pröm y secundo temp. Scebegn sot presciun la VB che ara messâ davagné y cun la nervoscité che fej pert dl jüch. S' ara porté sön en sigú 0 a 3, cun gnanca tan en gran sforz. Begn le San Laorenz ne à begn nia da perde. Mo da mete man dl secundo temp man, man chambiâ fora le alenadú Hainz i jogn te ciamp e metô ite i tröc "titolârs" che ê te banch. E insció i pustri gnô mius y se dana l' anima por recuperé le resultat.
Al 10^ menüt tira Liotto lunch cuntra aria pustra, le defensur trei sbalia l' intervent y Pedevilla salta sú cuntra porta. Cun na bela trata bassa sön la man ciampa tl portier, portl en vantaje süa scuadra. Dô val atra buna ocajiun arjomada dala VB, toma al 23^ de jüch le 0 a 2. Da jö da pé dl ciamp do avei salté deplú defensurs fej Schrott na bela crossada t' aria. Sön chesta se alza Lorenzini che de ce devieiel sön le secundo pé por en gran bel gol. Al 30^ menüt sön na deviaziun de ce da na trata da ciantun, atoca le cater Berger la stangia de porta. Dô da 40^ menüc sciampa ite sú cuntra porta Schrott y vegn sciuré sot y sura dal portier Gatterer. Al vegn conzedú atira en önescmetri y na ghela al verdaporta. De la trata se suratol la responsabilité Felder. La trata sön la man ciampa dl un vegn en pú azicada mo nia tignida sö y toma te porta por le 0 a 3.
Dô da 69^ de jüch röia le pröm gol puster. Chi da San Laorenz aumenta le druch y la VB mess se defene. Na pröma trata dl diesc Wisthaler vegn rebatöda da Ferdigg, mo röia al asvelto Volgger che tira bel bass sön le secundo pé por le gol. Al 77ejim tira Berger da bun vintecinch metri te porta, le palé röia püch sot l' incrujada di legn de porta sön la man derta de Ferdigg. Chesc jora devian te ciantun le gran prigo. Dô da 85^ menüc él na trata dl diesc te porta che Ferdigg se peia, mó le curan ti scampa fora dles mans y da püc metri röia svelto Kammerer che tira saurí te porta por le 2 a 3. Cun le secundo gol dl San Laorenz vegn la tensciun ciamò plú alta. In plú ne le informaziun da Lijun cá nia bunes, le Vandoies nia da crei davagna te ciasa dl Lijun campiun. Al 86^ poss Lorenzini signè le 4 a 2, de püch fora y al 92ejim robat ciamò Ferdigg na trata prigorosa de Volgger. Le resultat resta y la "matematica" salveza é na ralté. Al 95ejim por na burta "besltema" dô en fal subí vegn desgort cun la chöcena Pedevilla. Spó gran ligreza y sodesfaziun por alenadus, ascompagndus y sogadus por la "salveza", insció pó l' Acd Val Badia soghè por le cuarto ann indolater te 2a. categoria. N brau à düc.
ASD St. Lorenzen - ACD Val Badia: 2 - 3
Formaziun dla Val Badia: 1. Rene Ferdigg, 2.Dylan Liotto, 3.Mattia Kastlunger, 4.Gianluca Lorenzini, 5.Matteo Ploner, 6.Florian Barbolini (capitan), 7.Alex Felder, 8.Cristian Granruaz, 9.Roberto Del Negro (dal 74^ Marc Mayr), 10.Andrea Pedevilla, 11.Max Schrott.
Alenadú: Cristian Curti.
Goi por la Val Badia: 10^ Andrea Pedevilla, 23^ Gianluca Lorenzini, 40^ Alex Felder sön önescmetri.
10.08.2018:
2. Amateurliga 2018/2019
