Unsere Hauptsponsoren

Home1. MannschaftSpielberichteACD Val Badia - AFC Sexten

Sexten

Domënia, 19. mà 2019

La Val Badia cun na prestaziun nia propi da bravé, scüra ia la partida y resta tla zona cialda dl tassament

En vare de revers tla prestaziun, la scuadra ne nia stada buna dá confermé les ultimes bunes partides. A la rovene por chesta partida Paolo Adami, le alenadú Curti à la pröma santa comuniun de süa fia. Al é gnú soghé sot en cîl corí, mo cun na buna temperatöra. Al é na partida che an mess davagné, senza speré sön le aiüt di atri resultac. Le Sest ne scinca nia y met te ciamp süa miú formaziun. I pustri süga bun y met gonot, suradöt tl mete man dl secundo temp i ladins. La VB se tegn cun n pú de fortüna la parité cina à ot menüc dan la fin, spó ciafa le Sest n önescmetri che porta ala pordöda.

Al 2^ menüt sön na trata da ciantun de Matti Stampfer atoca chesc la pert alta dla stangia de porta. Dô da 4^ de jüch sön na passada bassa de Felder, tira sú da püc metri dan porta Mayr rodunta fora impede te porta. Al 18^ menüt ciafa ince Ferdigg da fá, al robat na trata de puniziun dl diesc M. Watschinger bela te porta. Al 23ejim él na lungia aziun t' aria ladina, da impröma devieia na trata t' aria le un son la pert alta dl pé de porta. Le curan resta prigorus t' aria y röia al sis H. Happacher che lascia pié ia na bela trata che röia alta sot l incujada di legns de porta sön la man ciampa de Ferdigg. Por le 0 a 1. Dô da 33^ menüc slalomeia le prigorus sis t' aria dla VB senza che al vegnes contrasté y röia ala trata te porta. Le portier robat cun i pügns la trata. Al 38^ de jüch röia jö y da na pert ite t' aria Kastlunger che crossei ite dan porta, "Matti" da puc metri roda te porta por le 1 a 1.
Al 50ejim atoca le dejdot F. Watschinger dô en slalom t' aria la stangia de porta. Trei menüc dedo tira le capitan ladin na puniziun da fora d' aria. Le un Villgrater para le strisciun cun val dificulté te dui iadi ia por tera. Al 66^ menüt tira le diesc na puniziun t' aria, chesta rembalza y Ferdigg cun le piet la devieia te ciantun. Dô da 78^ de jüch robat dui iadi endolater le verdaporta dl Sest les trates de Pedevilla y Schrott. Al 82^ de jüch röia t' aria cun le palé le önesc Rainer che vegn mazé sot y sura da Kastlunger. Le arbiter cunzed atira en iüst önescmetri. La trata secia splazan sön la man derta le un dl VB dl sis H. Happacher porta al 1 a 2. Al 87^ menüt robat le portier puster na bela trata de Schrott. Dô da 92^ menüc tegn só Vittur ti tiran la malieta en atacant puster che jo cuntra porta, secunda "ghela" y desgorta por le cinch dla VB. Al 95ejim robat Ferdigg na pröma trata te porta, mo sön la secunda dl sú önesc Rainer ne pol fá nia y ara arsesc sön le pé lunch te porta por le 1 a 3 por le Sest. Dô chesta pordöda che nes nia messú ester, resta la salveza tacada al ultima partida de campiont. O che an davagna o che an toma jö te 3a. categoria. La speranza é l' ultima à morí.

ACD Val Badia - AFC Sexten: 1 - 3

Formaziun dla Val Badia: 1.Rene Ferdigg, 2.Dylan Liotto, 3.Mattia Kastlunger, 4.Cristian Granruaz, 5.Samuel Vittur, 6.Matteo Ploner, 7.Alex Felder, 8.Alex Stampfer (dal 67^ Max Schrott), 9.Marc Mayr (dal 83^ Roberto Del Negro), 10.Matthias Stampfer (capitan), 11.Andrea Pedevilla.

Alenadú: Cristian Curti.

Gol por la Val Badia: 38^ Matthias Stampfer.

Proscima partida:  En domenia, ai 26 de má 2019 da les 16.00 sön la plaza da San Laorenz cuntra i patruns de ciasa.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  Februar 2024  »
SonMonDieMitDonFreSam
123
45678910
11121314151617
18192021222324
2526272829

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1871815
Besucher heute:Besucher heute:1354
Besucher gestern:Besucher gestern:1243
Besucher diese Woche:Besucher diese Woche:5177
Besucher diesen Monat:Besucher diesen Monat:34869
Alle Besucher:Alle Besucher:1871815
Gäste momentan online: 20

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang