Domënia, 12. mà 2019
Na deventa oröda y combatöda, en bel vare söpert te tlassament
An pó speré inant tl salveza
Dô le mez vare fals fat tl derby cuntra La Val, sá la formaziun de "Peo" Curti indô metú sön le trú dla deventa. Al é sté na partida nia saurida, der combatöda, olache i pustri na scinché ne bel nia. Le alenadú Curti dij bel dan fora che la partida davagna chi che á plú fan, la VB à fan de punc. I sura döt tl secundo temp an odú chesc. La reaziun dô le desfortuné svantaje é stada der buna y la deventa plú cho meritada. La partida é stada sogada sot à n cîl curí y n pice vent freit.
La partida se scialda bele al 12^ menüt, da impröma vegn archirté dal scüre dl arbiter Matti Stampfer che salta sú cuntra porta. I püch dedô anuleiele n gol al Valdaora ince por na posiziun de fora dl jüch. Sön trames restel val dübe ??? Do da 16 de jüch sciapa Pedevilla demez al só defensur y röia ala trata t' aria, alta sura fora. Al 27^ menüt vegn fat tomé t' aria Pedevilla da en defensur che abina le palé y la iama. Da impröma mostra le arbiter sön le punt di önescmetri, chi da Valdaora protesteia dassen y spó cunzedl ma plú na trata da ciantun ala VB. Chiló al fat na bela confujiun. Do da 38^ de jüch sön na trata da ciantun refla le cater puster sön le portier Ferdigg che resta ia por tera. L' aziun vá inant y al é na trata te porta öta. Sön le protestes dla VB anuleia le diretur le gol y fej gní ite i socursc por le numer un ladin. L nes é sberié sö. Sön na puniziun trata dal cater Buzzo Piazzetta cuntra l' aria ladina röia na desfortunada deviaziun te süa porta de Barbolini, che splaza só verdaporta por le 1 a 0 al 43^ menüt. Ti menuc de recuper dl pröm temp röia le prigorus D. Steinmair à dös prigoroses ocajiuns. La pröma feter sú ne atochel nia la porta y pró la secunda bel sú vegn la trata blocada ia por tera da Ferdigg.
Al 55ejim röia t' aria indô le atacant Steinmair ala trata te porta, mó le un dla VB é atent y para ince chesta trata. Do da 58^ menüc tira le "capitan" dla VB en ciantun, le portier robat nia bel le curan che resta dan porta. Dô deplú deviaziuns y rebatödes röiel dan i pîsc de Mayr che da püc metri tirel te porta por le 1 a 1. Al 70^ menüt indô da na trata da ciantun de "Matti" devieia de ce cuntra porta Vittur, sön la deviaziun röia asvelt Felder che anticipei düc y da n meter deviei te porta por le vantaje ladin. Al 76^ de juch sön na remetöda cun les mans sön Schrott, salta chesc só aversar i röia t' aria ala bela pasada por "Matti" Stampfer che cun na bela rodada tirel bass te porta por le 1 a 3. Döt der bel.
Trei menüc dedô él na puniziun dl spezialist Buzzo Piazzetta, da en toch dan la gran aria. Al atoca la stangia de porta, fortüna da la nosta pert. Do da 83^ menüc sön na bela passada lungia de Alex Ploner röia le diesc dla VB ala trata che ne atoca de püch nia la porta. Al 93ejim vegn fora ala deviaziun cun i pügns Ferdigg sön na trata da ciantun dan i cês di atacanc dl Valdaora. Al 95^ menüt vegn Bernardi desgort dal ciamp por dopla amoniziun, la secunda por avei ofenú le aversâr che ti é tomé adoss dijon che al à val chilo de massa.
Cun chisc trei punc d' or fejun en bel vare sö pert, al terz ultimo post che bastas por la salveza. Dös partides restel da soghè, mo cun chesta determinaziun y mentalité pora begn jí da sé salvé. Ara sará döra, sciöche an veiga degügn ne scinca nia, suradöt i pustri ai ladins.
ASD Olang - ACD Val Badia: 1 - 3
Formaziun dla Val Badia: 1.Rene Ferdigg, 2.Dylan Liotto (dal 72^ Matteo Ploner), 3.Mattia Kastlunger, 4.Gianluca Lorenzini (dal 64^ Alexander Ploner), 5.Samuel Vittur, 6.Florian Barbolini, 7.Alex Felder, 8.Alex Stampfer, 9.Marc Mayr (dal 64^ Max Schrott), 10.Matthias Stampfer (capitan), 11.Andrea Pedevilla (dal 82^ Luca Bernardi).
Alenadú: Cristian Curti.
Goi por la Val Badia: 58^ Marc Mayr, 70^ Alex Felder, 76^ Matthias Stampfer.
Proscima partida: en domenia, ai 19 de má 2019 da les 16.00 sön la plaza "Pradel" a San Martin de Tor cuntra le Sest.
3. Amateurliga 2023/2024