Unsere Sponsoren

Home1. MannschaftSpielberichteACD Val Badia - SV Vintl

Vintl

Domënia, 28. aurì 2019

Dô na gran batalia y tröpa tensciun ti é la VB al Vandoies. Cun chesta tlera deventa pon speré inant dla salveza.

Del Negro é rové dô en burt fal de jüch te ospedal

La plaza "Pradel" á tigní bun la plöia y nei. E les condizuns da soghè é stades bunes. Na plöia lisira sá ciafè i vintedui te ciamp. En plú sá chi dl Vandoies ince ciafè na plöia de goi. La partida é por dötes dös le scuadres dezijiva por speré de resté te chesta 2a. categoria. Porchel podon begn sintí la tensciun bele dan la partida y spó dedô te ciamp. Le espert arbiter De Cassan à salpú da tigní la partida ti limic, ma sön le gru fal sön Del Negro al sparagné la cherta ghela, che foss stada chöcena.

Bele al 5^ menüt dô en fal sön Felder olaché le arbiter à dé le vantaje, tira "Matti" da en gran toch fora dl aria. A portier bele batú robat le palé sön la stangia de porta. Al 15^ de jüch tira le ot Pexido dan aria te porta, Ferdigg é atent y robat da na pert fora cun i pügns. Al 22ejim fala jö begn dui defensurs pustri le curan che röia al sú diesc ladin che sun jora cuntra aria dl Vandoies. Mo le arbiter scura n fora dal jüch, valgamia dübe. Dô da 26^menüc sön na passada de Felder röia "Matti" sú püch dan porta ala trata, n defesur é à valmoda bun da devié te ciantun. Al 35^ de jüch dô na bela aziun, él na passada ite dan porta de Olex Stampfer por le fré "Matti" che vá en slisorada anticipan düc y devian te porta por le 1 a 0. Dô da 43^ menüc él n sech copl de ce de Lorenzini che le un puster devieia te ciantun. Al 45ejim à la defensciun dla VB fortüna sön na trata de Leitner che atoca la pert bassa dl pé de porta. Al 48^ menüt él a mesaciamp n bur fal de jüch, le cinch Von Wenzl refla cun n scnedl sön le spiné de Del Negro che scraia dal mé y resta ia por tera. Le "malfatur" é bele amoní denant, mo le arbiter se sparagna la "ghela". An mess cherdé la crusc blancia por le mené te ospedal. Dô chesc fat vegn la partida plú groia. Al 51^ menüt passa bel Felder por "Matti" en toch dan aria, la defensciun dl Vandoies minâ che al sides te na posizun de fora dl jüch. Le diesc ladin röia dan porta y plaza le palé te poprta por le 2 a 0. Al 60^ de jüch segna le "bomber" Mirabella le 2 a 1 dô en bel un dui cun le compagn t' aria tiran tl piz bass. Mo bele al 71ejim se porta la scuadra de Curti indô de dui goi danfora. Indô él "Matti" Stampfer che n aprofiteia dla stleta defensciun pustra por rové sú dan le portier. Al met le curan tl piz lunch olache le un ne pó nia rové, 3 a 1. Al 87ejim dô na bela aziun de Pedevilla, che passa t' aria a "Matti" che met indô le curan tl piz lunch por le 4 a 1. Na gran bela deventa che fej speré inant tla salveza. Che an se messará asuié inant passan por le derby cun la La Val, che ne scincará desigú nia. Intant incina la proscima partida, pon se gode chesta bela "vitoria".

ACD Val Badia - SV Vintl:  4 - 1

Formaziun dla Val Badia: 1.Rene Ferdigg, 2.Dylan Liotto (dal 75^ Matteo Ploner), 3.Mattia Kastlunger, 4.Gianluca Lorenzini, 5.Samuel Vittur, 6.Florian Barbolini, 7.Alex Felder (dal 64^ Andrea Pedevilla), 8.Alex Stampfer, 9.Cristian Granruaz, 10.Matthias Stampfer (capitan), 11.Roberto Del Negro (dal 51^ Marc Mayr).

Alenadú: Cristian Curti.

Goi por la Val Badia: 35^, 51^, 71^ y 87^ Matthias Stampfer.

Proscima partida:  en sabeda, ai 4 de mà 2019 da les 16.30 sön la plaza "Plans" a La Val por le derby cuntra La Val.

 
«  Mai 2019  »
SonMonDieMitDonFreSam
1234
567891011
12131415161718
19202122232425
262728293031

Programm Ainsciüda 2019

Anmelden



Finde uns auf Facebook

Facebook Image

Online Statistik

546084
Besucher heute:Besucher heute:270
Besucher gestern:Besucher gestern:367
Besucher diese Woche:Besucher diese Woche:865
Besucher diesen Monat:Besucher diesen Monat:6138
Alle Besucher:Alle Besucher:546084
Gäste momentan online: 7

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2018

Freundschaftlich 10.08.2018:
ACD Val Badia - USD Rina:  1 - 2

22.08.2018:
ACD Val Badia - SC Rasen:  2 - 2  

Unsere Gegner 2018/2019

puzzle2. Amateurliga 2018/2019

Kreis C

Zeige mehr...

Zum Anfang